AI | కేప్టౌన్: ప్రపంచంలోనే ఒంటరిదిగా గుర్తింపు పొందిన మొక్కను పునరుత్పత్తి చేసి వాటి సంఖ్యను పెంచేందుకు శాస్త్రవేత్తలు ప్రయత్నిస్తున్నారు. ఇందుకోసం ఈ పురుష మొక్కకు భాగస్వామిగా ఒక ఆడ మొక్కను అన్వేషిస్తున్నారు. ఈ పనికి కృత్రిమ మేధ(ఏఐ) సాయం కూడా తీసుకుంటున్నారు. ఈ మొక్క పేరు ఎన్సెఫాలార్టోస్ వూడీ. సైకాడ్ జాతికి చెందినది.
ఈ జాతి చెట్లు డైనోసర్ల కంటే ముందు నుంచి భూమి మీద ఉన్నాయి. సౌతాఫ్రికాలోని గోయె అటవీ ప్రాంతంలో ఈ అరుదైన మొక్కను గుర్తించారు. అంతరించి పోయే ప్రమాదం ఉన్న ఈ మొక్కను సహజ పద్ధతి ద్వారా పునరుత్పత్తి చేయాలని భావిస్తున్నారు. ఇందుకోసం ఇదే జాతికి చెందిన ఒక ఆడ మొక్క కావాలట. దీని కోసం 10 వేల ఎకరాల గోయె అటవీ ప్రాంతాన్ని జల్లెడ పడుతున్నారు.