న్యూఢిల్లీ, జూలై 20: బయటి ప్రపంచానికి ఇప్పటివరకు తెలియని ఓ చిన్న ఖండం ఒకటి కెనడా, గ్రీన్ల్యాండ్ మధ్య ఉందని తాజా అధ్యయనంలో తేలింది. ‘డేవిస్ జలసంధి’ కిందే ఈ ‘సూక్ష్మ ఖండం’ ఉందని పరిశోధకులు గుర్తించారు. ఉప్పాసలా యూనివర్సిటీ (స్వీడన్), డెర్బీ యూనివర్సిటీ (యుకే)కి చెందిన భూగర్భ శాస్త్రవేత్తలు మొదటిసారి కనుగొన్నారు.
సైంటిస్టుల బృందం ఇక్కడి టెక్టోనిక్ ప్లేట్ కదలికలపై అధ్యయనం చేస్తుండగా, ఈ ప్రాంతంలో 402 కిలోమీటర్ల పొడవుతో కూడిన చిన్నపాటి ఖండం ఉందన్న సంగతి బయటపడింది. ఈ ఖండం దాదాపు 6 కోట్ల సంవత్సరాల క్రితం ఏర్పడిందని సైంటిస్టులు చెబుతున్నారు.