F-15 Jet: సౌదీ ఎఫ్‌-15 యుద్ధ విమానం కూల్చివేత‌.. వీడియో రిలీజ్ చేసిన హౌతీలు

F-15 Jet: సౌదీ అరేబియాకు చెందిన ఎఫ్‌-15 యుద్ధ విమానాన్ని హౌతీలు కూల్చివేశారు. స్థానికంగా త‌యారు చేసిన ఎయిర్ టు ఎయిర్ మిస్సైల్‌తో ఆ ఫైట‌ర్ జెట్‌ను షూట్ చేసిన‌ట్లు చెప్పారు. ఎఫ్‌-15కి చెందిన 4 నిమిషాల వీడియోను కూడా రిలీజ్ చేశారు.

స‌నా: సౌదీ అరేబియాకు చెందిన ఎఫ్‌-15 యుద్ధ విమానాన్ని(F-15 Jet) .. యెమెన్‌లోని హౌతీలు కూల్చివేశారు. స్థానికంగా త‌యారు చేసిన ఎయిర్ టు ఎయిర్ మిస్సైల్‌తో ఆ ఫైట‌ర్ జెట్‌ను షూట్ చేసిన‌ట్లు చెప్పారు. శ‌త్రు ఆప‌రేష‌న్స్ చేప‌డుతున్న స‌మ‌యంలో దాన్ని కూల్చిన‌ట్లు పేర్కొన్నారు. మారిబ్ ప్రావిన్సులో ఆ విమానం కూలిన‌ట్లు హౌతీ మిలిట‌రీ ప్ర‌తినిధి యాహ్యె సారే తెలిపారు. సౌదీ ఎఫ్‌-15 జెట్ కూల్చివేత‌కు చెందిన వీడియోను హౌతీలు రిలీజ్ చేశారు. రాత్రి వేళ ఆ యుద్ధ విమానాన్ని నేలకూల్చారు. ఇక దాని శిథిలాల‌ను మారిబ్ ప్రావిన్సులో గుర్తించారు. సుమారు నాలుగు నిమిషాలు ఉన్న ఓ వీడియోను హౌతీలు రిలీజ్ చేశారు. జెట్‌ను టార్గెట్ చేసిన క్ష‌ణం నుంచి కింద ప‌డి మంట‌లు, పొగ వ్యాపిస్తున్న దృశ్యాలు ఆ వీడియోలో ఉన్నాయి. కొండ‌ల‌తో ఉన్న ఎడారి ప్రాంతంలో ఆ జెట్ ప‌డింది. ఆ విమానం రెక్క‌పై సౌదీ ఎయిర్‌క్రాఫ్ట్ అని రాసి ఉన్న‌ది. ఆయుధాలు క‌లిగి ఉన్న వ్య‌క్తులు కొంద‌రు ఆ విమాన శిథిలాల వ‌ద్ద‌కు చేరుకున్నారు.

مشاهد نوعية لإسقاط طائرة مقاتلة سعودية من نوع F15 وحطامها في محافظة مأرب – 16 سبتمبر 2026م pic.twitter.com/rk0suliePT

— الإعلام الحربي اليمني (@MMY1444) September 16, 2026