Elon Musk | ప్రపంచ కుబేరుల్లో ఒకరైన ఎలాన్ మస్క్ మరోసారి వార్తల్లో నిలిచారు. తాజాగా స్పేస్ఎక్స్ (SpaceX), ఎక్స్ (X) హెడ్ కార్వర్ట్ను మరో సిటీకి తరలించనున్నారు. ఈ విషయాన్ని మస్క్ ఎక్స్ (ట్విట్టర్) పోస్ట్లో వెల్లడించారు. స్పేస్ఎక్స్ కార్యాలయాన్ని టెక్సాస్కు తరలించనున్నట్లు వెల్లడించారు. స్పేస్ఎక్స్ ప్రధాన కార్యాలయం ప్రస్తుతం కాలిఫోర్నియాలోని హాథోర్న్లో ఉందని తెలిపారు. టెక్సాస్లోని స్టార్బేస్లో ఏర్పాటు చేయనున్నట్లు పేర్కొన్నారు. ఎక్స్ సోషల్ మీడియా ప్రధాన కార్యాలయం శాన్ ఫ్రాన్సిస్కోలో ఉండదని.. ఆస్టిన్కు తరలించనున్నారు.
ఈ నిర్ణయం వెనుక ఇటీవల కాలిఫోర్నియాలో గవర్నర్ ఓ చట్టంపై సంతకం చేశారు. విద్యార్థుల జెండర్ గుర్తింపు మార్పులపై గురించి తల్లిదండ్రులకు చెప్పకుండా టీచర్లను నిషేధించే బిల్లుపై గవర్నర్ గావిన్ న్యూసోమ్ సంతకం చేశారు. ఈ క్రమంలో మస్క్ ఈ నిర్ణయం తీసుకున్నట్లు పేర్కొన్నారు. గతంలో చేసిన చట్టాలతో పోలిస్తే ప్రస్తుతం తెచ్చిన చట్టం పరాకాష్ఠ అని.. ఇలాంటి నిర్ణయాలతో కుటుంబాలు, కంపెనీలు తమ పిల్లల రక్షణ కోసం కాలిఫోర్నియా నుంచి వెళ్లిపోతాయని గతంలోనే తాను గవర్నర్కు స్పష్టంగా చెప్పినట్లు మస్క్ తెలిపారు.
మస్క్ టెస్లా కార్పొరేట్ హెడ్క్వార్టర్స్ను 2021లో కాలిఫోర్నియా నుంచి పాలో అల్టోకి తరలించిన విషయం తెలిసిందే. ఇక నివాసాన్ని సైతం ఆయన కాలిఫోర్నియా నుంచి టెక్సాస్కు మార్చారు. వాస్తవానికి తన కొత్త పేరు, జెండర్ను గుర్తించాలని మస్క్ కుమారుడు జేవియర్ అలెగ్జాండర్ 2022లో కాలిఫోర్నియా కోర్టును ఆశ్రయించాడు. ఆ తర్వాత లింగమార్పిడి చేసుకొని అమ్మాయిగా మారిన నేపథ్యంలో తన పేరును సైతం మార్చాలని కోరుతూ కోర్టులో పిటిషన్ దాఖలు చేశారు.
బిలియనీర్, సమాజంలో ఎంతో గుర్తింపు పొందిన తన తండ్రి ఆకృతి, రూపంతో ఎలాంటి సంబంధం లేకుండా ఉండాలని తాను కోరుకుంటున్నట్లు జేవియర్ పిటిషన్లో పేర్కొన్నారు. ఆ తర్వాత కొద్దిరోజులకు ట్రాన్స్జెండర్స్పై ఎలాన్ మస్క్ కీలక వ్యాఖ్యలు చేశారు. అధ్యక్ష ఎన్నికల్లో లింగ మార్పిడి హక్కులను పరిమితం చేసే చట్టాలకు మద్దతుగా నిలుస్తున్న రిపబ్లికన్ పార్టీకి మద్దతు ఇస్తున్నట్లు ప్రకటించారు. గతంలో ట్రాన్స్జెండర్లకు మద్దతు ఉంటుందన్న ఎలాన్ మస్క్.. పేర్ల మార్పు మాత్రం ఓ అందమైన పీడకల అంటూ వ్యాఖ్యానించారు. దాంతో మస్క్పై సోషల్ మీడియాలో తీవ్ర విమర్శలు వెల్లువెత్తాయి.