Canada | టొరొంటో, జూలై 13: కెనడాలో శాశ్వత నివాస హోదా అందుకుంటున్న వలసదారుల్లో అగ్రస్థానంలో ఉన్న భారతీయులు, ఆ దేశంలో ప్రస్తుతం నెలకొన్న ఉపాధి సంక్షోభానికి విలవిల్లాడుతున్నారు. గత 10 ఏండ్లలో ఎన్నడూ లేనంతగా ఉపాధి, ఉద్యోగ సంక్షోభం భారతీయుల్ని, అక్కడి వలసదారుల్ని వేధిస్తున్నది.
ఐదేండ్లుగా ఆ దేశంలో ఉంటున్న వలసదారుల్లో నిరుద్యోగ రేటు జూన్ 2024 నాటికి 12.6 శాతం నమోదుకాగా, భారతీయ వలసదారుల్లో నిరుద్యోగ రేటు 30 శాతానికి చేరుకుందని ‘గ్లోబ్ అండ్ మెయిల్’ తాజా నివేదిక పేర్కొన్నది.
యూఎస్లో రెండు ఇండియన్ వీసా అప్లికేషన్ సెంటర్లు
సీటెల్: అమెరికాలోని సీటెల్, బెల్లెవ్యూలలో ఇండియన్ వీసా అప్లికేషన్ సెంటర్ (ఐవీఏసీ)లను శుక్రవారంప్రారంభించారు. సీటెల్లోని ఐవీఏసీని మేయర్ బ్రూస్ హర్రెల్, కాన్సుల్ జనరల్ ప్రకాశ్ గుప్తా ప్రారంభించారు.
ఈ సందర్భంగా హర్రెల్ మాట్లాడుతూ… భారత్, అమెరికా మధ్య స్నేహ బంధాన్ని పటిష్టం చేయడంలో భారతీయులు విశేష కృషి చేస్తున్నారని ప్రశంసించారు. ప్రకాశ్ గుప్తా మాట్లాడుతూ, కొత్తగా ఐవీఏసీలను ప్రారంభించడం ద్వారా పసిఫిక్ వాయవ్య రాష్ర్టాలతో సంబంధాలను పెంపొందించుకోవవడలో భారతదేశ నిబద్ధత స్పష్టమవుతున్నదని చెప్పారు.