జెరూసలెం, మే 30: గాజాలోని ఒక శరణార్థి శిబిరంపై ఇజ్రాయెల్ చేసిన దాడిని ఖండిస్తూ సామాజిక మాధ్యమాల్లో విస్తృ ప్రచారం చేస్తుండటంపై ఇజ్రాయెల్ స్పందించింది. ఇప్పుడు తాము రఫాపై చేస్తున్న దాడి గురించి మాట్లాడుతున్న వారు గత ఏడాది అక్టోబర్ 7న తమపై హమాస్ జరిపిన దాడి గురించి ఎందుకు నోరు మెదపడం లేదని నిలదీసింది. ‘వేర్ వర్ యువర్ ఐస్’ క్యాప్షన్తో ఒక పసికందు ముందు సాయుధుడైన ఉగ్రవాదితో ఉన్న ఇమేజ్ను షేర్ చేసింది. మరోవైపు, గాజాపై ఇజ్రాయెల్ యుద్ధం ఆపితే, బందీలు/ఖైదీల మార్పిడి సహా అన్నింటిపై అంగీకారానికి వస్తామని హమాస్ ప్రకటించింది.