USA : ఉక్రెయిన్ (Ukraine) పై యుద్ధానికి ముగింపు పలకాలని రష్యా (Russia) తో వాదించే సమర్థత భారత్ (India) కు ఉన్నదని అమెరికా (USA) వ్యాఖ్యానించింది. భారత ప్రధాని నరేంద్రమోదీ (PM Modi) రెండు రోజుల రష్యా పర్యటన నేపథ్యంలో వైట్హౌస్ అధికార ప్రతినిధి కరైన్ జీన్ పెర్రీ (Karine Jean-Pierre) ఈ వ్యాఖ్యలు చేశారు. మరికొన్ని గంటల్లో అమెరికా అధ్యక్షుడు జో బైడెన్ (Joe Biden).. ఉక్రెయిన్ అధ్యక్షుడు వ్లాదిమిర్ జెలెన్స్కీ (Volodymyr Zelenskyy) తో భేటీ కానున్న నేపథ్యంలో అమెరికా చేసిన ఈ వ్యాఖ్యలు ప్రాధాన్యం సంతరించుకున్నాయి.
నాటో సదస్సు (NATO summit) సందర్భంగా బైడెన్, జెలెన్స్కీ భేటీ కానున్నారు. రేపు (గురువారం) అమెరికాలోని వాషింగ్టన్ డీసీలో నాటో సదస్సు జరగనుంది. కాగా రష్యా పర్యటన సందర్భంగా ప్రధాని మోదీ యుద్ధం అంశాన్ని ప్రస్తావించారు. యుద్ధానికి చర్చల ద్వారా ముగింపు పలుకాలని సూచించారు. యుద్ధంలో పసిబిడ్డల మరణం హృదయ విధాకరమని ప్రధాని మోదీ రష్యా అధ్యక్షుడు పుతిన్తో అన్నారు. ఉక్రెయిన్లోని చిల్డ్రన్స్ హాస్పిటల్లు లక్ష్యంగా రష్యా మారణహోమానికి పాల్పడుతున్నదని జెలెన్స్కీ ఆరోపిస్తున్న నేపథ్యంలో మోదీ ఈ ప్రస్తావన చేశారు. అయితే జెలెన్స్కీ ఆరోపణలను రష్యా తోసిపుచ్చింది.