America Elections | వాషింగ్టన్ : అమెరికా అధ్యక్ష ఎన్నికల్లో పోటీ పడుతున్న రిపబ్లికన్ అభ్యర్థి డొనాల్డ్ ట్రంప్, డెమొక్రాటిక్ అభ్యర్థి జో బైడెన్ మధ్య గురువారం రాత్రి తొలి ప్రెసిడెన్షియల్ డిబేట్ జరిగింది. అట్లాంటాలోని సీఎన్ఎన్ హెడ్క్వార్టర్స్లో గురువారం రాత్రి దాదాపు 90 నిమిషాలపాటు జరిగిన ఈ చర్చలో ట్రంప్దే పైచేయిగా కనిపించింది.
బైడెన్ తడబడుతూ మాట్లాడటంతో ఆయన పార్టీ ఆందోళనకు గురైంది. అమెరికన్ ఆర్థిక వ్యవస్థ, విదేశాలతో సంబంధాలు, వలసల గురించి బైడెన్పై ట్రంప్ విరుచుకుపడ్డారు. దీనిపై బైడెన్ స్పందిస్తూ, ట్రంప్ వ్యాఖ్యలు అతిశయోక్తులు, అబద్ధాలని చెప్పారు. డిబేట్లో బైడెన్ తేలిపోవడంతో అధ్యక్ష రేసు నుంచి తప్పుకోవాలని డెమోక్రాట్ల నుంచి డిమాండ్ మొదలైంది.
న్యూయార్క్:వారెన్ బఫెట్ మరోసారి తన ఉదారతను చాటుకున్నారు. ఇప్పటికే వేలాది కోట్ల రూపాయలు విరాళంగా అందించిన ఆయన..తాజాగా బర్క్షైర్ హాథవేలో 5.3 బిలియన్ డాలర్ల విలువైన షేర్లను పలు చారిటబుల్ ట్రస్ట్లకు విరాళంగా అందిస్తున్నట్లు ప్రకటించారు. 2006 నుంచి ఇప్పటి వరకు 57 బిలియన్ డాలర్ల విలువైన సంపదను ఆయన విరాళంగా అందించారు.