వాషింగ్టన్, జూలై 13: అమెరికా అధ్యక్ష ఎన్నికల్లో రిపబ్లికన్ అభ్యర్థిగా పోటీ చేస్తున్న మాజీ అధ్యక్షుడు డొనాల్డ్ ట్రంప్కు టెస్లా అధినేత, ప్రపంచ కుబేరుడు ఎలాన్ మస్క్ భారీ విరాళం అందించారు. ఆయన ట్రంప్నకు నేరుగా విరాళం ఇవ్వనప్పటికీ ఆయన తరపున ప్రచారం చేస్తున్న పొలిటికల్ యాక్షన్ కమిటీ (పీఏసీ)కి దానిని అందజేశారు.
అయితే ఎంత మొత్తం ఇచ్చినదీ వెల్లడి కాలేదు. అయితే తాము సేకరించే విరాళాల గురించి పీఏసీ సోమవారం ప్రకటించాల్సి ఉంది. దాంతో ఎలాన్ మస్క్ ఎంత ఇచ్చింది ఆ రోజు వెల్లడయ్యే అవకాశం ఉంది. ట్రంప్నకు భారీ విరాళం ఇచ్చినప్పటికీ ఈ ఎన్నికల్లో ఎవరి అభ్యర్థిత్వానికి మస్క్ బహిరంగంగా మద్దతు ప్రకటించ లేదు.