Crowdstrike | వాషింగ్టన్: కంప్యూటర్లు వైరస్లు, హ్యాకింగ్ల బారిన పడకుండా యాంటివైరస్ సాఫ్ట్వేర్ను అప్డేట్ చేసే క్రమంలో ఒక బగ్ చేరిందని, దాని కారణంగా తమ సైబర్ సెక్యూరిటీ వ్యవస్థలోని వైరస్లతో కూడిన డాటా కోట్లమంది కంప్యూటర్లలోకి చేరిందని క్రౌడ్స్ట్రైక్ సంస్థ వెల్లడించింది. ఫలితంగా ప్రపంచవ్యాప్తంగా విమాన సేవలకు, టెలివిజన్ల ప్రసారాలకు, బ్యాంకులు, దవాఖానల సేవలకు అంతరాయం ఏర్పడిందని వివరించింది.
ఇకముందు ఇలాంటి అవాంతరాలు తలెత్తకుండా జాగ్రత్త వహిస్తామని తెలిపింది. ఏదైనా అప్డేట్ చేసేముందు వినియోగదారులకు సమాచారమందిస్తామని, వాటిని అధిగమించే సామర్థ్యాన్ని కూడా కల్పిస్తామని పేర్కొంది.