సియోల్ : దక్షిణ కొరియా కొరియా ఎయిర్ డిఫెన్స్ జోన్లోకి చైనా, రష్యా యుద్ధ విమానాలు ప్రవేశించాయి. దీంతో ఆయా దేశాల మధ్య ఉద్రిక్తతలు పెరిగే అవకాశం ఉందని ఆందోళనలు వ్యక్తమవుతున్నాయి.
రెండు చైనీస్, ఆరు రష్యా యుద్ధ విమానాలు ముందస్తు సమాచారం లేకుండా దక్షిణ కొరియా గగనతలంలోకి ప్రవేశించాయని సియోల్ జాయింట్ చీఫ్స్ ఆఫ్ స్టాఫ్ తెలిపారు. చైనీస్ హెచ్6 బాంబర్లు ఉదయం 5:50 గంటలకు దక్షిణ-ఈశాన్య తీరాల నుంచి ఎయిర్ డిఫెన్స్ జోన్లోకి ప్రవేశించి.. కొద్దిసేపటి తర్వాత నిష్క్రమించాయని పేర్కొన్నారు. వీటిలో టీయూ-95 బాంబర్, ఎస్యూ-35 ఫైటర్ జెట్తో సహా రష్యా యుద్ధ విమానాలు ఉన్నాయని పేర్కొన్నారు.