Daniela Vera | రియో: గర్భిణులు తొమ్మిది నెలలు కడుపులో బిడ్డ మోసి జన్మనిస్తారు. కానీ, బ్రెజిల్కు చెందిన 81 ఏండ్ల మహిళ మాత్రం 56 ఏండ్లు చనిపోయిన పిండాన్ని మోసింది. ఏడుగురు పిల్లలకు జన్మనిచ్చినప్పటికీ తన కడుపులో ఇంకో మృతి చెందిన పిండం ఉందనే విషయం ఆమెకు కూడా తెలియకపోవడం గమనార్హం. డాక్టర్లు సర్జరీ చేసి పిండాన్ని తొలగించిన మరునాడే ఆమె మరణించడం విషాదం.
డానియెలా వెరా అనే మహిళ కొన్ని వారాలుగా కడుపునొప్పితో బాధపడుతూ వైద్యుల దగ్గరకు వెళ్లింది. అయితే, డాక్టర్లు ఇన్ఫెక్షన్ కారణంగానే నొప్పి వస్తుందని భావించి చికిత్స ఇవ్వ గా నొప్పి తగ్గలేదు. దీంతో వైద్యులు 3డీ స్కానింగ్ చేయగా ఆమె కడుపులో చనిపోయిన పిండం ఉందని గుర్తించారు. దీంతో వైద్యులు సర్జరీ చేసి తొలగించగా, మరునాడే మరణించారు.