న్యూయార్క్, జూన్ 11: ఈ ఏడాది చివరి నాటికి ఐఫోన్లలో చాట్జీపీటీని అందుబాటులోకి తీసుకురానున్నట్టు యాపిల్ సంస్థ ప్రకటించింది. ఇందుకుగానూ ఓపెన్ఏఐ సంస్థతో ఒప్పందం కుదుర్చుకున్నట్టు సోమవారం జరిగిన వరల్డ్ వైడ్ డెవెలపర్స్ కాన్ఫరెన్స్లో వెల్లడించింది. చాట్జీపీటీ తర్వాత మరిన్ని ఏఐ ఫీచర్లను కూడా తీసుకురానున్నట్టు తెలిపింది. చాట్జీపీటీని ఉచితంగా వినియోగించుకోవచ్చని తెలిపింది. ఐఓఎస్18లో కాల్ రికార్డింగ్, ట్రాన్స్క్రైబ్ ఆప్షన్లు తేనున్నట్టు తెలిపింది. యూజర్లు ఇక కాల్స్ను రికార్డు చేయవచ్చని, కాల్ రికార్డు అవుతున్నట్టు అవతలి వారికి నోటిఫికేషన్ వెళ్తుందని తెలిపింది. ట్రాన్స్క్రైబ్ ఆప్షన్ ద్వారా కాల్లో మాట్లాడింది టెక్ట్స్ రూపంలోకి కూడా వస్తుందని పేర్కొన్నది. యాపిల్ వాయిస్ అసిస్టెంట్ ‘సిరి’ని కూడా ఏఐ టెక్నాలజీతో పూర్తిగా పునరుద్ధరించనున్నట్టు వెల్లడించింది.
చాట్జీపీటీ కోసం ఓపెన్ఏఐతో యాపిల్ జట్టుకట్టడాన్ని టెస్లా సీఈవో ఎలాన్ మస్క్ తప్పుబట్టారు. ఇది భద్రతా ఉల్లంఘన అని ఆయన పేర్కొన్నారు. ఒకవేళ ఆపరేటింగ్ సిస్టమ్ స్థాయిలో చాట్జీపీటీని అనుసంధానం చేస్తే తమ సంస్థల్లో యాపిల్ గాడ్జెట్లను నిషేధిస్తామని హెచ్చరించారు.