Mass Shooting | అగ్రరాజ్యం అమెరికా (America)లో కాల్పుల ఘటనలు కొనసాగుతున్నాయి. తాజాగా మిస్సిస్సిప్పి (Mississippi) రాష్ట్రంలో ఆదివారం అర్ధరాత్రి జరిగిన కాల్పుల ఘటనలో కనీసం ముగ్గురు మరణించారు. సుమారు 16 మంది గాయపడ్డారు.
స్థానిక మీడియా నివేదిక ప్రకారం.. మిస్సిస్సిప్పిలోని ఇండియానోలాలో గల చర్చి స్ట్రీట్లో ఉన్న ఓ నైట్క్లబ్ (nightclub) వద్ద ఈ కాల్పుల ఘటన చోటు చేసుకుంది. ఓ సాయుధ వ్యక్తి ఈ కాల్పులకు పాల్పడినట్లు పోలీసులు గుర్తించారు. ఈ ఘటనలో ముగ్గురు మరణించగా.. 16 మంది గాయపడినట్లు ఇండియానోలా పోలీస్ చీఫ్ రోనాల్డ్ సాంప్సన్ తెలిపినట్లు స్థానిక మీడియా నివేదించింది. సమాచారం అందుకున్న వెంటనే పోలీసులు ఘటనాస్థలికి చేరుకున్నారు. ఈ మేరకు కేసు నమోదు చేసి దర్యాప్తు చేపట్టారు. ఇప్పటి వరకూ ఈ ఘటనలో ఎవరినీ అరెస్ట్ చేయలేదని అధికారులు తెలిపారు.
Also Read..
Nirmala Sitharaman | లోక్సభలో ఆర్థిక సర్వేను ప్రవేశపెట్టిన నిర్మలా సీతారామన్