ఒట్టావా: కెనడాలోని (Canada) మానిటోబాలో (Manitoba) ఘోర రోడ్డు ప్రమాదం జరిగింది. మానిటోబాలోని కార్బెర్రీ (Carberry) టౌన్ సమీపంలో వృద్ధులతో వెళ్తున్న మినీ బస్సును (Mini bus) ఓ సెమీ ట్రెయిరల్ ట్రక్కు (Semi-trailer truck) ఢీకొట్టింది. దీంతో 15 మంది మరణించారు. పలువురు గాయపడ్డారు. క్షతగాత్రులను దవాఖానకు తరలించామని పోలీసులు తెలిపారు. ప్రమాదం సమయంలో బస్సులో 25 మంది ఉన్నారని చెప్పారు. వారిలో అధికులు వృద్ధులేనని (Elderly people) వెల్లడించారు. అయితే ట్రక్కు, బస్సు డ్రైవర్లు క్షేమంగా ఉన్నారని పేర్కొన్నారు. ప్రమాదం ఏవిధంగా జరిగిందనే విషయం తెలియాల్సి ఉందన్నారు.
కాగా, ప్రమాద ఘటనపై కెనడా ప్రధాని జస్టిన్ ట్రుడో (PM Justin Trudeau) దిగ్భ్రాంతి వ్యక్తంచేశారు. వారి కుటుంబ సభ్యులకు సంతాపం తెలిపారు. అయినవారిని కోల్పోవడం ఎంత బాధ ఉంటుందో తననకు తెలుసునన్నారు. తన ఆలోచనలన్నీ వారితోనే ఉన్నాయని చెప్పారు. ఇటీవల కెనడాలో జరిగిన అత్యంత ఘోరమైన రోడ్డు ప్రమాదాలలో ఇదొకటి పేర్కొన్నారు.