Gas Station | రష్యా (Russia)లో ఘోర ప్రమాదం చోటు చేసుకుంది. ఓ పెట్రోల్ స్టేషన్ (Gas Station)లో పేలుడు సంభవించింది. ఈ ఘటనలో 12 మంది ప్రాణాలు కోల్పోయారు. సుమారు డజన్ల సంఖ్యలో గాయపడ్డారు. డాగేస్తాన్ (Dagestan) రాజధాని మఖచ్కల (Makhachkala) నగరంలో సోమవారం అర్ధరాత్రి తర్వాత ఈ ఘటన చోటు చేసుకుంది.
నగరంలోని హైవే పక్కన ఉన్న కార్ల సర్వీసింగ్ సెంటర్ లో ముందుగా మంటలు చెలరేగాయి. అవి క్రమంగా పక్కనే ఉన్న పెట్రోల్ స్టేషన్ వరకు వ్యాపించాయి. దీంతో భారీ పేలుడు సంభవించింది. ఈ ఘటనలో 12 మంది ప్రాణాలు కోల్పోగా.. సుమారు 60 మందికి పైగా ప్రజలు గాయపడ్డారు. దాదాపు 250 ఫైర్ ఇంజన్లు మూడు గంటల పాటు శ్రమించి మంటలను అదుపు చేసినట్లు స్థానిక అధికారులు వెల్లడించారు.
Also Read..
MS Dhoni: హోండా బైక్ రైడ్ చేసిన ధోనీ.. వీడియో