హైదరాబాద్: రీల్స్ పిచ్చి ప్రాణాల మీదికి తీసుకొస్తున్నది. సోషల్ మీడియాలో హైలెట్ అవడానికి రీల్స్ (Reels) చేస్తూ ప్రాణాలు పోగొట్టుకున్న ఘటనలు మనం తరచూ చూస్తూనే ఉన్నాం. ఇంత జరుగుతున్నా జనాల్లో మార్పు మాత్రం రావడం లేదు. తాజాగా హైదరాబాద్ శివార్లలోని హయత్నగర్లో కూడా ఇలాంటి ఘటనే జరిగింది. శనివారం రోజంతా వర్షం పడుతూనే ఉన్నది. అయితే వారికి మాత్రం ఆ వానలో బైక్పై రీల్స్ చేయాలన్న ఆలోచన వచ్చింది. ఇంకేముంది చేతిలో బైక్ ఉంది. తమతోపాటు మరో ఇద్దరు స్నేహితులను జమచేసుకున్నారు. జోరు వానలో హైదరాబాద్-విజయవాడ హైవేపై అంబర్పేట వద్ద బైక్పై రివ్వుమని దూసుకెళ్తూ స్టంట్స్ చేస్తున్నారు. ఒక బైకర్ స్టంట్ (Bike Stunts) చేస్తుండగా మరో బైక్ ఉన్న యువకులు వీడియో తీస్తున్నారు.
ఇలా శివ అనే యువకుడు కూర్చున్న బైక్ నడుపుతున్న వ్యక్తి ఒక్కసారిగా దానిని పైకి లేపాడు. ఈ క్రమంలో బైక్పై అదుపుతప్పి కిందపడిపోయింది. దీంతో వారిద్దరు తీవ్రంగా గాయపడ్డారు. స్నేహితులు వారిని దవాఖానకు తరలించారు. శివ మృతిచెందగా, బైక్ నడుపుతున్న యువకుడు దవాఖానలో చికిత్స పొందుతున్నాడు. చేతికందిన కొడుకు ప్రాణాలు విడవడంతో ఆ తల్లిదండ్రులు దుఃఖాన్ని ఆపడం ఎవరి వల్ల కాలేదు. ఈ ఘటనపై కేసు నమోదు చేసిన పోలీసులు దర్యాప్తు చేస్తున్నారు.