నీటి కష్టాలు.. కన్నీటి వ్యథలవుతున్నాయి. అపర భగీరథ ప్రయత్నంతో గత ప్రభుత్వ హయాంలో ప్రతి ఇంటి ముంగిలిలోకి నల్లాలో తాగునీరొచ్చింది. అనాదిగా పడుతున్న ఇబ్బందులకు ఒక్కసారిగా చెక్ పెట్టినట్టయ్యింది. జన జీవనం ఆ నీటితో సంబురాలు జరుపుకొని తడిసిముద్దయ్యింది. ్ర పజలకు నీటి కొరత లేకుండా పోయింది. ఈ నేపథ్యంలో పరిస్థితులు మారాయి. గత ఉమ్మడి పాలనలో నీటి కోసం పడ్డ ఇబ్బందులు ఒక్కసారిగా పునరావృతం అయ్యాయి. ప్రతి ఇంటి ఆడబిడ్డల కళ్లల్లో నీళ్లు తిరుగుతూ.. ఇంటింటికో వ్యథగా మారింది. ట్యాంకర్ల ద్వారా వచ్చే నీళ్లు ఏ మూలకు సరిపోక పోగా.. బిందెడు నీళ్లను నెత్తిన ఎత్తుకొని తరలించాల్సి వస్తుంది. ఆ ‘అపర భగీరథుని’ ప్రభుత్వానికి, నేటి పాలనా తీరుకు ఈ చిత్రం అద్దం పడుతున్నది. క‘న్నీటి’ వ్యథకు ఇదో నిదర్శనం. ఈ చిత్రం ఉస్మానియా యూనివర్సిటీ పరిధిలో అంగడి బజార్లో బుధవారం కన్పించింది. గతానికి, ప్రస్తుతానికి ఎంతో వ్యత్యాసం చూపుతోంది ఈ చిత్రం.