జీడిమెట్ల, జూలై 8 : చోరీ కేసులో ఇద్దరు నిందితులను పోలీసులు అరెస్ట్ చేశారు. ఈ నెల 5న షాపూర్ నగర్లోని శ్రీ నల్ల పోచమ్మ దేవాలయంలో(Pochamma temple) చోరీకి పాల్పడిన ఇద్దరు నిందితులను అరెస్ట్(Suspects arrested) చేసి రిమాండ్కు తరలించారు. జీడిమెట్ల ఇన్స్పెక్టర్ గడ్డం మల్లేష్ తెలిపిన వివరాల ప్రకారం.. భూపాపల్లికి చెందిన కే.సంజయ్ (25), మహరాష్ట్కు చెందిన బి.మహేష్ (23) ఎన్ఎల్బీ నగర్లో నివాసం ఉంటున్నారు. ఈ ఇద్దరు వ్యక్తులు ఈ నెల 5వ తేదీ రాత్రి నల్లపోచమ్మ ఆలయంలోని హుండిని పగులగొట్టి రూ.1000 నగదును దొంగలించారు.
సీసీ టీవీ ఫుటేజీ ఆధారంగా ఇద్దరు నిందితులను గుర్తించిన పోలీసులు ఎన్ఎల్ బీనగర్లో అరెస్టు చేసి వారి వద్ద నుంచి రూ.1000 నగదును స్వాధీనం చేసుకుని రిమాండ్కు తరలించారు. ఈ సందర్భంగా ఇన్స్పెక్టర్ మాట్లాడుతూ.. తమ కాలనీల్లో ప్రజలు సీసీ కెమెరాలను ఏర్పాటు చేసుకునేందుకు ముందుకు రావాలని విజ్ఞప్తి చేశారు. నేరాలను అరికట్టడంలో సీసీ కెమెరాలు ఎంతో ఉపయోగపడుతాయని తెలిపారు. ఒక్క సీసీ కెమెరా వంద మంది పోలీసులతో సమానమన్నారు.