సిటీబ్యూరో: వాయుగుండం ప్రభావంతో శనివారం ఉదయం నుంచి రాత్రి వరకు గ్రేటర్ వ్యాప్తంగా ఎడతెరిపి వాన కురిసింది. షేక్పేటలో అత్యధికంగా 3.0, యూసుఫ్గూడలో 2.95, లంగర్హౌస్లో 2.88, గాజులరామారంలో 2.80, కూకట్పల్లి హైదర్నగర్లో 2.58సెం.మీల చొప్పున వర్షపాతం నమోదైనట్లు టీజీడీపీఎస్ అధికారులు వెల్లడించారు. మరో రెండు రోజులు మోస్తరు వానలు కురిసే అవకాశాలున్నట్లు తెలిపారు.
కేపీహెచ్బీ కాలనీ/జూబ్లీహిల్స్ జూలై 20 : వర్షాకాలం విపత్తులను సమర్థవంతంగా ఎదుర్కోవాలని హైడ్రా కమిషనర్ ఏవీ. రంగనాథ్ అన్నారు. శనివారం జేఎన్టీయూహెచ్ క్లాస్రూం కాంప్లెక్స్లో కూకట్పల్లి, శేరిలింగంపల్లి జోన్ ఇంజినీరింగ్ అధికారులతో వర్షాకాలం విపత్తులపై సమావేశాన్ని నిర్వహించారు. ఈ సమావేశానికి హైడ్రా కమిషనర్ ఏవీ. రంగనాథ్, కూకట్పల్లి జడ్సీ అపూర్వ్ చౌహాన్, శేరిలింగంపల్లి జడ్సీ ఉపేందర్రెడ్డి, ఎస్ఈలు చిన్నారెడ్డి, శంకర్ హాజరయ్యారు.