సిటీబ్యూరో, జూన్ 23 (నమస్తే తెలంగాణ): స్టేషన్కు వచ్చిన వారి ఫిర్యాదు తీసుకోకుండా డబ్బు కోసం ఇబ్బందులకు గురిచేయడం, నిందితులతో దోస్తీ చేస్తూ బ్లాక్మెయిలింగ్కు పాల్పడే ముఠాలకు సహకరించే పోలీసులపై రాచకొండ సీపీ తరుణ్జోషి చర్యలు చేపట్టారు. ఉప్పల్ పోలీస్స్టేషన్ పరిధిలోని భగాయత్ ప్రాంతంలోకి వచ్చే జంటలను బ్లాక్మెయిల్ చేసి డబ్బు లాగుతున్న ముఠాలతో సంబంధాలు పెట్టుకున్న ఎస్సై శంకర్ను శనివారం సీపీ కార్యాలయానికి అటాచ్ చేయగా, తాజాగా ఉప్పల్ ఇన్స్పెక్టర్ ఎలక్షన్రెడ్డిని కూడా అటాచ్ చేస్తూ సీపీ ఉత్తర్వులు జారీ చేశారు. అలాగే నాగోల్ పోలీస్స్టేషన్లో ఫిర్యాదు ఇవ్వడానికి వచ్చిన బాధితులతో సరిగా వ్యవహరించకపోవడంతో పాటు ఎస్సీ, ఎస్టీ కేసు నమోదులో నిర్లక్ష్యం వహించడంతో సీపీకి ఫిర్యాదు వెళ్లింది. ఈ విషయంలో నాగోల్ ఇన్స్పెక్టర్ పరశురామ్, ఎస్సై, ఏఎస్సైలను అటాచ్ చేస్తూ ఉత్తర్వులు జారీ చేశారు. ఉప్పల్ ఠాణాకు డీసీ మన్మధకుమార్, నాగోల్ ఠాణాకు ఎల్బీనగర్ డీఐ ఎ.సుధాకర్లకు అదనంగా ఎస్హెచ్ఓ బాధ్యతలు అప్పగించారు.