సిటీబ్యూరో, మే 21 (నమస్తే తెలంగాణ): తక్కువ ధరకు బంగారం ఇప్పిస్తామంటూ నమ్మిస్తూ పలువురి వద్ద నుంచి రూ.4 కోట్లు వసూలు చేసిన ముగ్గురు స్నేహితులపై సీసీఎస్లో కేసు నమోదయ్యింది. వివరాల్లోకి వెళ్తే.. విశాల్, వినయ్, అఖిల్ స్నేహితులు. తక్కువ ధరకు బంగారం ఇప్సిప్తామంటూ గోల్డ్స్కీమ్ను(Gold scheme) తయారు చేశారు. తమ స్కీమ్లో రూ.50 వేలతో చేరితో బంగారం మార్కెట్ రేట్ కంటే 10 శాతం తక్కువకు వస్తుందంటూ మొదట విశాల్ వాళ్ల దగ్గరి బంధువులను నమ్మించి డిపాజిట్లు సేకరించాడు.
ఆ తరువాత దీనిని చైన్ సిస్టమ్లా మార్చేశారు. మొదటి గోల్డ్స్కీమ్లో పెట్టుబడి పెట్టిన వాళ్లకు మీరు పెట్టిన పెట్టుబడితో గోల్డ్ కొన్నాం. దానిని తిరిగి మార్కెట్లో విక్రయించడంతో కొంత లాభం వచ్చిందంటూ నమ్మిస్తూ కొన్ని డబ్బులు తిరిగి ఇచ్చారు. దీంతో చాలా మంది వీళ్ల స్కీమ్లో చేరారు.
అయితే వీళ్లు డబ్బులు వసూలు చేసి విలాసవంతమైన జీవితం గడుపుతూ తామంతా బంగారం వ్యాపారంలో లాభాలు ఆర్జిస్తున్నామంటూ బిల్డప్ ఇచ్చారు. ఇలా రూ.4 కోట్లు వరకు వసూలు చేసి పరారయ్యారు. ఈ మోసంపై రామంతాపూర్కు చెందిన బాధితులు సీసీఎస్లో ఫిర్యాదు చేయడంతో కేసు నమోదు చేసుకొని దర్యాప్తు చేపట్టారు.