వెంగళరావునగర్, జూన్ 30 : సినీ జూనియర్ ఆర్టిస్ట్ ఇంట్లోకి ప్రవేశించి.. బెదిరింపులకు పాల్పడిన యువకుడిపై మధురానగర్ పోలీసులు కేసు నమోదు చేశారు. పోలీసులు తెలిపిన వివరాల ప్రకారం.. యూసుఫ్గూడ యాదగిరినగర్లో నివాసం ఉండే యువతి సినిమాల్లో జూనియర్ ఆర్టిస్ట్గా పనిచేస్తుంది. యువతికి.. ఇంటి సమీపంలో ఉండే శివతో పరిచయం ఉన్నది. ఇద్దరు సన్నిహితంగా ఉన్న సమయంలో శివ.. ఫొటోలు, వీడియోలు తీశాడు. కాగా.. ఇటీవల వారిమధ్య అభిప్రాయ బేధాలు వచ్చాయి. దీంతో ఆమె.. అతడిని దూరం పెట్టింది. దీన్ని భరించలేక శివ..
ఆదివారం యువతి ఇంటికి వెళ్లి లోపల నుంచి తలుపు వేశాడు. ఆ సమయంలో ఆమెతో పాటు మరో ఇద్దరు రూమ్మేట్లు ఉన్నారు. యువతి మెడ పట్టుకుని, అసభ్యకర పదజాలంతో దూషించడంతోపాటు.. ఆమె రూమ్మెట్లను బెదిరించాడు. బయటకు రాకపోతే.. గతంలో తీసిన ఫొటోలను సోషల్ మీడియోలో పోస్ట్ చేస్తానని బెదిరించాడు. ఆమెను అక్కడి నుంచి బలవంతంగా యూసుఫ్గూడ బస్తీకి తీసుకెళ్లి,అక్కడ కూడా రోడ్డుపై దూషించి, అసభ్యకరంగా ప్రవర్తించాడు. బాధితురాలి ఫిర్యాదు మేరకు పోలీసులు కేసు నమోదు చేసకుని దర్యాప్తు చేస్తున్నారు.