అమీర్పేట్, జూన్ 7 : సీఈఐఆర్ విధానం(CEIR system) ద్వారా సనత్నగర్ పోలీసులు పెద్దఎత్తున సెల్ ఫోన్లు(Cell phones) రికవరీ చేశారు. గత సంవత్సరం ఏప్రిల్ నుంచి తమ సెల్ ఫోన్లు పోయాయంటూ పలువురు పీఎస్లో ఫిర్యాదు చేశారు. పోలీసులు సీఈఐఆర్ ద్వారా దాదాపు 90 మొబైల్ ఫోన్లను రికవరీ చేశారు. కొద్ది రోజులుగా దాదాపు 73 రికవరీ చేసిన సెల్ఫోన్లు ఫిర్యాదుదారులకు అందజేశారు. తాజాగా శుక్రవారం మరో 17 సెల్ఫోన్లను సనత్నగర్ పీఎస్లో ఇన్స్పెక్టర్ పురేందర్రెడ్డి, డీఐ నాగిరెడ్డితో కలిసి బాధితులకు అందజేశారు.
ఈ సందర్భంగా ఇన్స్పెక్టర్ పురేందర్రెడ్డి మాట్లాడుతూ.. గత సంవత్సరం ఏప్రిల్ నుంచి చోరీకి గురైన సెల్ఫోన్ల ఫిర్యాదులపై సీఈఐఆర్ విధానంతో ఫోన్లను ఆయా ఐఎంఈఐ నెంబర్లపై ట్రాకింగ్ చేశామని తెలిపారు. ఎప్పటికప్పునడు రికవరీ అవుతున్న ఫోన్లను ఫిర్యాదు దారులకు అందజేస్తూ వస్తున్నామని, తాజాగా 17 సెల్ ఫోన్లను శుక్రవారం పీఎస్లో అందజేసినట్లు ఆయనతెలిపారు.
కాగా, చోరీకి గురైన సెల్ ఫోన్లను ట్రాకింగ్ చేయడంలో చురుగ్గా వ్యవహరించిన సనత్నగర్ మహిళా పీసీ గౌతమిని ఇన్స్పెక్టర్ పురేందర్రెడ్డి అభినందించారు.గౌతమికి రివార్డును అందజేశారు. ఈ కార్యక్రమంలో డీఎస్ఐ అరుణ్కుమార్, పీసీలు శేఖర్, బాలకృష్ణ, ఇబ్రహీమ్ తదితరులు పాల్గొన్నారు.