మాదన్నపేట, మే 29: ఆడుకుంటూ ప్రమాదవశాత్తు భవనం పై నుంచి పడి ఓ బాలుడు మృతి చెందిన ఘటన ఎస్ సదన్ పోలీస్ స్టేషన్ పరిధిలో చోటు చేసుకుంది. పోలీసులు తెలిపిన వివరాల ప్రకారం సంతోష్నగర్ కాలనీకి చెందిన సయ్యద్ అహ్మద్ (8) మదర్సాలో చదువుతున్నాడు. మూడో అంతస్తులో ఉండే తన ఇంట్లో ఆడుకుంటూ.. రక్షణ కవచం లేని కిటికీ నుంచి పడి చనిపోయాడు. ఈ మేరకు కేసు నమోదు చేసుకొని దర్యాప్తు చేస్తున్నట్లు పోలీసులు తెలిపారు.