హైదరాబాద్ : భార్యపై అనుమానం పెంచుకున్న భర్త అమానుషంగా ప్రవర్తించాడు. జీవితాంతం తోడుంటానని అగ్నిసాక్షిగా వివాహమాడిన భర్తే ఆమెపాలిట కాలయముడై భార్యను అతి కిరాతకంగా చంపాడు(Brutal murder). ఈ విషాదకర సంఘటన నగరంలోని ఉప్పల్(Uppal) బ్యాంక్ కాలనీలో చోటు చేసుకుంది. పోలీసులు తెలిపిన వివరాలు ఇలా ఉన్నాయి.
జనగామ జిల్లాకు చెందిన రమేశ్, కమల దంపతులు కొన్నేళ్లుగా ఉప్పల్లో నివాసముంటున్నారు. కాగా, రమేశ్ తన భార్య కమల మరొకరితో సంబంధం కొనసాగిస్తుందని అనుమానం పెంచుకున్నాడు. అనుమానంతో భార్య గొంతునులిమి హత్య చేశాడు. అనంతరం స్థానిక పోలీస్ స్టేషన్లో లొంగిపోయాడు. పోలీసులు కేసు నమోదు చేసి దర్యాప్తు చేపట్టారు. పూర్తి వివరాలు తెలియాల్సి ఉంది.