హైదరాబాద్ : రాష్ట్రంలో వీధి కుక్కలు((Stray dogs) )స్వైరవిహారం చేస్తున్నాయి. నిత్యం ఏదో ఒక చోట దాడు చేస్తూ భయాందోళనలు కలిగిస్తున్నాయి. మరీ ముఖ్యంగా పిల్లలపై శునకాల దాడు పెరిగిపోతున్నాయి. ఈ నేపథ్యంలో కుక్కల బారి నుంచి తమ ప్రాణాలు కాపాడండి అంటూ పలురువురు చిన్నారులు పోలీస్ స్టేషన్ మెట్లు(Police station) ఎక్కడం పరిస్థితి తీవ్రతకు అద్దం పడుతున్నది.
వివరాల్లోకి వెళ్తే.. కుత్బుల్లాపూర్ నియోజవర్గం కొంపల్లిలోని పలు కాలనీల్లో కుక్కలు స్వైర విహారం చేస్తూ.. దొరికిన వాళ్లని దొరికినట్లు వేటాడుతున్నాయి. దీంతో ఎన్ని సార్లు అధికారులకు విన్నవించుకున్నా ఫలితం లేకుండా పోయిందని, కొంపల్లి మున్సిపల్ కమిషనర్, చైర్మన్లపై చర్యలు తీసుకోవాలని డిమాండ్ చేస్తూ పలు కాలనీలకు చెందిన చిన్నారులు పేట్ బషీరాబాద్ పోలీస్ స్టేషన్లో ఫిర్యాదు(Children complaint) చేశారు.
కాలనీల్లో ప్రజలు బైటికి రానంతగా కుక్కలు విచ్చలవిడిగా తిరుగుతున్నా మున్సిపల్ అధికారులకు తెలిపినా పట్టించుకోవడం లేదని స్థానికులు అవేదన వ్యక్తం చేశారు. ఇలాంటి అధికారులపై చర్యలు తీసుకోవాలని, అలాగే సీఎం రేవంత్ రెడ్డి అంకుల్, కమిషనర్ అంకుల్, స్థానిక ఎమ్మెల్యే వివేక్ అంకుల్ తమ ప్రాణాలకు రక్షణ కల్పించాలని ప్లకార్డులు ప్రదర్శించడం పలువురిని ఆలోచింపజేసింది. ఇకనైనా అధికారులు, ప్రజాప్ర తినిధులు కళ్లు తెరిచి ప్రజల ప్రాణాలు కాపాడాలని పలువురు డిమాండ్ చేస్తున్నారు.
కుక్కల బారి నుండి మమ్మల్ని కాపాడండి మహాప్రభో!
కుక్కల బారి నుండి తమను కాపాడాలంటూ పేట్ బషీరాబాద్ పోలీస్ స్టేషన్కు వచ్చిన చిన్నారులు.
మా ప్రాణాలకు రక్షణ ఏది? వీధి కుక్కల బారిన పడి మా ప్రాణాలు వీడల్సిందేనా? అంటూ కొంపల్లి మున్సిపల్ కమిషనర్,మరియు చైర్మన్ పై ఫిర్యాదు చేసేందుకు పోలీస్… pic.twitter.com/vOgj4j68sO
— Telugu Scribe (@TeluguScribe) July 21, 2024