హిమాయత్నగర్, జూన్ 20: తెలుగురాని ప్రభుత్వ, ప్రభుత్వేతర ఉద్యోగుల కోసం తెలుగు అకాడమీ పరిచయ కోర్సును అందిస్తోంది. జూలై 15వ తేదీ నుంచి ఈ కోర్సు తరగతులు ప్రారంభమవుతాయని తెలుగు అకాడమీ సంచాలకులు శ్రీదేవసేన గురువారం ఒక ప్రకటనలో తెలిపారు.
అధికార భాషగా తెలుగును అమలు పరిచే ప్రభుత్వ విధానంలో భాగంగా 48 రోజుల పాటు పనిదినాలలో సాయంత్రం 5:30 నుంచి రాత్రి 7:30 వరకు శిక్షణ ఉంటుందని, ఈ పరిచయ కోర్సులో ప్రవేశానికి కనీస విద్యార్హత 10వ తరగతి కాగా ఆసక్తి ఉన్న వారు జూలై 6లోపు హిమాయత్నగర్లోని తెలుగు అకాడమీని సంప్రదించి దరఖాస్తు ఫారాలను తీసుకోవాలన్నారు. కోర్సు పూర్తయ్యే నాటికి తెలుగులో మాట్లాడడం, రాయడం, చదవడం నేర్పిస్తామన్నా రు. వివరాల కోసం 9966230473, 8886801239 నంబర్లలో సంప్రదించాలని సూచించారు.