సిటీబ్యూరో, జూలై 19 (నమస్తే తెలంగాణ) : టీ హబ్తో(T- Hub) తమిళనాడు టెక్నాలజీ హబ్(Tamil Nadu Technology Hub) సంస్థ వ్యూహాత్మక ఒప్పందాన్ని కుదుర్చుకుంది. ఈ భాగస్వామ్యం ద్వారా దేశ వ్యాప్తంగా ఆవిష్కరణలను పెంపొందించడానికి, స్టార్టప్ కార్యకలాపాలను పురోగతిని పెంచడానికి అవసరమైన వాతావ రణాన్ని కల్పించడమే లక్ష్యంగా ఇరు సంస్థలు కలిసి పనిచేస్తామని టీ హబ్ ప్రతినిధి తెలిపారు. పట్టణ ప్రాంతాల నుంచి మొదలు కొని గ్రామీణ ప్రాంతాల్లో ఆవిష్కరణలు చేయాలన్న ఆలోచనల యువతలో బాగా పెరిగింది.
అలాంటి వారిని ప్రోత్సహించి, వారి ఆలోచనలను వ్యాపార నమూనా రూపొందించేందుకు అవసరమైన సాంకేతిక, ఆర్థిక, మార్గనిర్ధేశం ఇచ్చేలా రెండు సంస్థలు కలిసి పచేయనున్నామని తెలిపారు. దేశంలో మరిన్ని కొత్త ఆవిష్కరణలు రావడంలో ఈ ఒప్పందం కీలకమైన మైలు రాయిగా నిలుస్తుందని పేర్కొన్నారు.