Food Safety | సిటీబ్యూరో/ మాదాపూర్: ఆహార నాణ్యతా ప్రమాణాలు పాటించని హాస్టళ్లలో ఫుడ్ సేఫ్టీ విభాగం అధికారుల తనిఖీలు కొనసాగుతున్నాయి. తాజాగా పలు హాస్టళ్లపై దాడులు చేపట్టారు. సింధూ జడ్డు ఉమెన్స్ హాస్టల్లో డస్ట్బిన్లకు మూతలు లేకుండా ఉండటాన్ని గుర్తించారు. గడువు ముగిసిన మిరప పొడిని సీజ్ చేశారు. ఓం శ్రీ సాయి నంద డీలక్స్ మెన్స్ హాస్టల్స్ లో వండేటప్పుడు.. వడ్డిస్తున్నప్పుడు గుట్కా నమిలే కార్మికులు, సింథటిక్ రంగుల వాడకం, కుళ్లిన కూరగాయలు, బొద్దింకలు, తుప్పు పట్టిన దోస పెనం, అపరిశ్రుభ వాతావరణంలో వంట గది, సోయాసాస్ గడువు ముగియడం, తనుశ్రీ గ్రాండ్ ఉమెన్స్ హాస్టల్స్లో బొద్దింకలు, ఓపెన్ డస్ట్బిన్లతో అపరిశుభ్రమైన వంటగది, టోమాటో సాస్, చిల్లీ సాస్ నమూనాలు స్పాట్ టెస్టులో విఫలమయ్యాయి.
ఓం శ్రీ సాయి నంద ఉమెన్స్ హాస్టల్స్లో మూతలు లేకుండా డస్ట్బిన్లను తెరిచి ఉంచినట్లు గుర్తించారు. ఎస్ఆర్ లేడీస్ హాస్టల్స్లో పని ప్రదేశం, రిఫ్రిజిరేటర్ అపరిశుభ్రంగా ఉన్నట్లు గుర్తించారు. బియ్యం, కారం, పసుపు పొడి నమూనాలను సేకరించారు. సంబంధిత హాస్టళ్ల యజమానులకు నోటీసులు జారీ చేశారు.