ఖైరతాబాద్, జూన్ 25 : మత్తు రహిత సమాజాన్ని నిర్మిద్దామని రాష్ట్ర ఉప ముఖ్యమంత్రి భట్టి విక్రమార్క పిలుపునిచ్చారు. తెలంగాణ యాంటి నార్కోటిక్స్ బ్యూరో (టీన్యాబ్) ఆధ్వర్యంలో నెక్లెస్రోడ్లోని జలవిహార్ వద్ద మంగళవారం అవగాహన వాక్ను ఏర్పాటు చేశారు. అంతర్జాతీయ మాదక ద్రవ్యాల దుర్వినియోగం, అక్రమ రవాణా వ్యతిరేక దినోత్సవం సందర్భంగా ఏర్పాటు చేసిన ఈ వాక్ను ఉప ముఖ్యమంత్రి భట్టి విక్రమార్క, ప్రభుత్వ ప్రధాన కార్యదర్శి ఎ.శాంతికుమారి, రాష్ట్ర డీజీపీ రవి గుప్తా, టీన్యాబ్ డైరెక్టర్ సందీప్ శాండిల్య, సీపీ కొత్తకోట శ్రీనివాస్ రెడ్డితో కలిసి ప్రారంభించారు. ఈ సందర్భంగా ఉప ముఖ్యమంత్రి మాట్లాడుతూ మాదక ద్రవ్యాల బారిన పడి ఎంతో మంది తమ జీవితాలను నాశనం చేసుకుంటున్నారన్నారు. రాష్ట్రంలో మత్తు పదార్థాలు కనబడకుండా కఠిన చర్యలు తీసుకుంటున్నామని చెప్పారు. టీన్యాబ్ ఆధ్వర్యంలో మత్తుల వల్ల జరిగే అనర్థాలను వివరిస్తూ రూపొందించిన ‘రామచక్కని కొడుక’ పాట ను ఆవిష్కరించారు. ఈ కార్యక్రమంలో రైల్వేశాఖ అదనపు డీజీపీ ఎంఎం భగవత్, లా అండ్ ఆర్డర్ అదనపు డీజీపీ సంజయ్ కుమా ర్ జైన్, అదనపు సీపీ విక్రమ్సింగ్, డీజీ (డీసీఏ) కమలాసన్ రెడ్డి, ఐజీ రమేశ్ రెడ్డి,రాచకొండ సీపీ తరుణ్ జోషి పాల్గొన్నారు.