సికింద్రాబాద్/అడ్డగుట్ట, జనవరి 13: సంక్రాంతి పండుగను ప్రతి ఒక్కరూ సంతోషంగా జరుపుకోవాలని సికింద్రాబాద్ ఎమ్మెల్యే పద్మారావుగౌడ్ అన్నారు. సంక్రాంతి పండుగను పురస్కరించుకొని ప్రజా సేవ వ్యవస్థాపక అధ్యక్షుడు,బీఆర్ఎస్ సీనియర్ నాయకుడు ఎమ్ చంద్రశేఖర్రావు ఆధ్వర్యంలో ఏర్పాటు చేసిన ఉచిత పతంగుల పంపిణీ కార్యక్రమాన్ని శనివారం సికింద్రాబాద్ మోండా మార్కెట్ ,టకారాబస్తీలోని ఆయన నివాసంలో పద్మారావుగౌడ్ ప్రారంభించారు. అదేవిధంగా పతంగులను ఎగుర వేసే సమయంలో జాగ్రత్తలు తీసుకోవాలని సూచించారు.ఈ కార్యక్రమంలో నాయకులు సుంకు రాంచందర్ తదితరులు పాల్గొన్నారు.
కంటోన్మెంట్ : సంక్రాంతి పండుగను పురస్కరించుకొని బోయిన్పల్లిలో బీఆర్ఎస్ నాయకుడు టింకు గౌడ్ ఆధ్వర్యంలో నిర్వహించిన పతంగుల వేడుకల్లో మాజీ మంత్రి, మేడ్చల్ ఎమ్మెల్యే మల్లారెడ్డి పాల్గొని పతంగులు ఎగురవేశారు. ఈ సందర్భంగా మల్లారెడ్డి తెలుగు రాష్ట్రాల ప్రజలకు సంక్రాంతి పండుగ శుభాకాంక్షలు తెలిపారు.
చిన్నారులు, యువత పతంగులను ఎగురవేసేటప్పుడు అప్రమత్తంగా ఉండాలని కంటోన్మెంట్ బోర్డు మాజీ ఉపాధ్యక్షుడు జంపన ప్రతాప్ అన్నారు. సంక్రాంతి పండుగను పురస్కరించుకుని బోయిన్పల్లి పరిధిలోని బాపూజీనగర్, సంజీవయ్యకాలనీ, చిన్న తోకట్ట, కంసారి బజార్తోపాటు పలు ప్రాంతాల్లో చిన్నారులకు జంపన ప్రతాప్ పతంగులు పంపిణీ చేసి సంక్రాంతి శుభాకాంక్షలు తెలిపారు. ఈ సందర్భంగా అయన మాట్లాడుతూ విద్యుత్వైర్లు, ట్రాన్స్ఫార్మర్లు ఉండే చోట అప్రమత్తంగా ఉండాలని సూచించారు.