సిటీబ్యూరో, జూన్ 12 (నమస్తే తెలంగాణ) : ప్రతి నెల 5వ తేదీలోపు ఔట్సోర్సింగ్ ఉద్యోగులకు వేతనాలు అందించేలా చర్యలు తీసుకుంటామన్న జలమండలి ఎండీ సుదర్శన్రెడ్డి హామీతో కార్మికులు హర్షం వ్యక్తం చేశారు. ప్రతి నెల ఔట్సోర్సింగ్ ఉద్యోగులకు 10 నుంచి 20వ తేదీ వరకు వేతనాలు రావడంతో కార్మికులంతా ఇబ్బందులు ఎదుర్కొంటున్నారని జలమండలి కాంట్రాక్ట్, ఔట్సోర్సింగ్ ఉద్యోగుల సంఘం అధ్యక్షుడు నారాయణ నేతృత్వంలో కార్మికులు.. ఎండీ సుదర్శన్రెడ్డి దృష్టికి తీసుకువెళ్లారు. ఆలస్యంగా జీతాలు రావడంతో కార్మికులు అనేక అవస్థలు పడుతున్నారని ఎండీకి వివరించారు. ఈ నేపథ్యంలో కార్మికులకు ఇక నుంచి ప్రతి నెల 5వ తేదీలోపు జీతాలు అందిస్తామని ఎండీ హామీ ఇవ్వడంతో కార్మికులు సంతోషాన్ని వ్యక్తం చేశారు. యూనియన్ అధ్యక్షుడు నారాయణ ఆధ్వర్యంలో కార్మికులు ఎండీ సుదర్శన్రెడ్డికి సన్మానం చేసి కృతజ్ఞతలు తెలిపారు. యూనియన్ నాయకులు శ్రీనివాసరెడ్డి, అంజనేయులు, కుమార్, బాల సుందర రాజు, యాదగిరి తదితరులు పాల్గొన్నారు.