వెంగళరావునగర్ : మహిళల పై అత్యాచారాలు, లైంగిక వేధింపులు (sexual harassment ) నిరోధంతో పాటు, మహిళల భద్రత పై తమ ప్రభుత్వం ప్రాధాన్యత ఇస్తుందని రాష్ట్ర మంత్రి సీతక్క (Minister Sitakka) అన్నారు. తెలంగాణ రాష్ట్ర మహిళా సహకార అభివృద్ది కార్పొరేషన్ చైర్పర్సన్ గా నియమితులైన బండ్రు శోభారాణి పదవీ భాధ్యతలు స్వీకారానికి ఆమె ముఖ్య అతిథిగా హాజరయ్యారు.
ఈ సందర్బంగా ఆమె మాట్లాడుతూ మహిళలు అన్ని రంగాల్లో రాణిస్తున్న వేళ వారిపై దాడులు కూడా జరుగుతున్నాయని అన్నారు. మహిళల భద్రత పై దృష్టి పెడ్తామని పేర్కొన్నారు. తెలంగాణ ఉద్యమం (Telangana agitation) ఉవ్వెత్తున ఎగిసినప్పుడు శోభారాణి ఎంతో క్రియాశీలకంగా పనిచేశారని, ప్రజా పోరాటాలు చేసిన శోభారాణిని ముఖ్యమంత్రి రేవంత్ రెడ్డి గుర్తించి పదవిని కట్టబెట్టారని అన్నారు.
మహిళాభ్యున్నతికి శక్తి వంచన లేకుండా కృషి చేస్తానని రాష్ట్ర మహిళా సహకార అభివృద్ధి కార్పొరేషన్ చైర్పర్సన్ బండ్రు శోభారాణి అన్నారు. కార్యక్రమంలో ఎమ్మెల్యే కోమటి రెడ్డి రాజగోపాల్ రెడ్డి,స్త్రీ శిశు సంక్షేమ శాఖ డైరెక్టర్ ఏ.కాంతి వెస్లీ జాయింట్ డైరెక్టర్ సునంద,లక్ష్మీ దేవి,అధికారులు సిబ్బంది పాల్గొన్నారు.
Read more :