Crime News | మన్సూరాబాద్, మార్చి 8: అక్రమంగా రేషన్ బియ్యాన్ని తరలిస్తున్న కేసులో ఇద్దరు వ్యక్తులను పోలీసులు అరెస్ట్ చేశారు. మరో నిందితుడు పరారీలో ఉన్నాడు. నిందితుల నుంచి 31.7 టన్నుల రేషన్ బియ్యం, 2 సెల్ఫోన్లు స్వాధీనం చేసుకున్నారు. ఈ ఘటన ఎల్బీనగర్ పోలీస్స్టేషన్ పరిధిలో చోటు చేసుకుంది. పోలీసుల కథనం ప్రకారం.. ఎల్బీనగర్, ఫ్రూట్మార్కెట్ ఎదురుగా ఉన్న ప్రజానివాస్ సమీపం నుంచి.. కేఏ 56 7807 నంబర్ లారీలో అక్రమంగా రేషన్ బియ్యం తరలిస్తున్నారు.
శుక్రవారం మధ్యా హ్నం 1:45 గంటల సమయంలో పెట్రోలింగ్ చేస్తున్న సమాచారంతో పోలీసులు అక్కడి చేరుకున్నారు. సంగారెడ్డి జిల్లా, జహీరాబాద్, పస్తాపూర్ గ్రామానికి చెందిన లారీ డ్రైవర్ డి.సంజీవరెడ్డి (31)తో పాటు అతడికి సహాయకుడిగా పని చేస్తున్న కర్నాటక, మంగళగిరికి చెందిన పరమేశ్వర్ (24)ను అరెస్ట్ చేశారు. మలక్పేట్కు చెందిన రిజ్వాన్ లారీలో ఉన్న 31.7 టన్నుల రేషన్ బియ్యాన్ని గుజరాత్కు తరలిస్తున్నట్లు విచారణలో తేలింది. కాగా రిజ్వాన్ పరారీలో ఉన్నాడు. పోలీసులు కేసు నమోదు చేసి దర్యాప్తు చేస్తున్నారు.