దుండిగల్/జగద్గిరిగుట్ట, అక్టోబర్ 29 : కుత్బుల్లాపూర్ ఎమ్మెల్యే బీఆర్ఎస్ అభ్యర్థి కేపీ వివేకానంద్ ఆదివారం నిజాంపేట్ కార్పొరేషన్ పరిధిలో విస్తృతంగా పర్యటించారు. 1వ డివిజన్లోని ప్లెజెంట్ విల్లాస్, 2వ డివిజన్ పరిధిలోని ఎన్ఆర్ఐ కాలనీలోని గణపతి ఆలయం వద్ద, 17 డివిజన్ కౌసల్యకాలనీ,అమల్టాస్ ఎన్క్లేవ్, శ్రీసాయికృష్ణజా హిల్స్లలో,18వ డివిజన్లోని కావ్య అవెన్యూ, సాయిఅనురాగ్కాలనీ, రేణుకాఎల్లమ్మ కాలనీ, శ్రీ హోమ్స్, 20వ డివిజన్లోని పూజితా ఎన్క్లేవ్, 25 ప్రగతినగర్ ఎన్టీఆర్ పార్కు, 26వ డివిజన్ ప్రగతినగర్లో మేయర్ కొలన్ నీలాగోపాల్రెడ్డితో కలిసి ఎన్నికల ప్రచారం నిర్వహించారు. ఈ సందర్భంగా ఎమ్మెల్యే వివేకానంద్ మాట్లాడుతూ గత తొమ్మిది ఏండ్ల కాలంలో సీఎం కేసీఆర్ అన్నివర్గాల ప్రజల అభివృద్ధికి అనేక సంక్షేమ,అభివృద్ధి పథకాలను ప్రవేశపెట్టి అమలు చేస్తున్నాడని అన్నారు. ఇటీవల బీఆర్ఎస్ పార్టీ విడుదల చేసిన మ్యానిఫెస్టోతో విపక్షపార్టీలల్లో వణుకుమొదలైందన్నారు.
ప్రజారంజక పాలన అందిస్తున్న సీఎం కేసీఆర్ ముచ్చటగా మూడో సారి ముఖ్యమంత్రి కావడం ఖాయమన్నారు. బీజేపీ,కాంగ్రెస్ ఎన్ని జిమ్మిక్కులు చేసినా బీఆర్ఎస్ గెలుపును అడ్డుకోలేరన్నారు. బీఆర్ఎస్ ప్రభుత్వ కృషితోనే దేశంలో ఏ నగరానికి దక్కని గుర్తింపు హైదరాబాద్కు దక్కిందన్నారు. ఫలితంగా బ్రాండ్వాల్యూ పెరిగిందన్నారు. సీఎం కేసీఆర్,మంత్రి కేటీఆర్ సహకారంతో నిజాంపేట్ కార్పొరేషన్లో అభివృద్ధి పనులు చేపట్టినట్లు తెలిపారు. తనను మరోసారి ఆశీర్వదించి భారీ మెజార్టీతో గెలిపించాలని కోరారు. అంతకుముందు వివిధ కాలనీల్లో మహిళలు ఆయనకు ఘనస్వాగతం పలికారు. కార్యక్రమంలో నిజాంపేట్ మున్సిపల్ కార్పొరేషన్ డిప్యూటీ మేయర్ ధన్రాజుయాదవ్, బీఆర్ఎస్ నిజాంపేట్ డివిజన్అధ్యక్షుడు రంగరాయప్రసాద్,సీనియర్ నాయకులు కొలన్ గోపాల్రెడ్డి, రవికాంత్,జగన్యాదవ్,చందుముదిరాజు,కొలన్ సునీల్రెడ్డి, కార్పొరేటర్లు విజయలక్ష్మి, చిట్ల దివాకర్,ఆగంరాజు ముదిరాజు, కొలన్ వీరేందర్రెడ్డి, బాలాజీనాయక్, మాధవి, వెంకటేశం, సుజాత, శ్రీనివాస్రెడ్డి, శ్రీనివాస్యాదవ్, రాఘవేందర్ రావు, సురేశ్రెడ్డి,కోఅప్షన్ సభ్యురాలు చంద్రగిరి జ్యోతి, సయ్యద్ సలీం, వీరేశ్, జగదీష్యాదవ్, సబిత,రఫీయా తదితరులు పాల్గొన్నారు.
బీఆర్ఎస్లో చేరిన కౌలస్యకాలనీ వాసులు..
నిజాంపేట్ 17వ డివిజన్ పరిధిలోని కౌసల్యకాలనీకి చెందిన వీఆర్ ఫ్రాంటూన్ అపార్ట్మెంట్స్తో పాటు అమల్తా ఎవెన్యూ(అపార్ట్మెంట్)లకు చెందిన ప్రజలు పెద్దసంఖ్యలో బీఆర్ఎస్లో చేరారు. వారికి ఎమ్మెల్యే వివేకానంద్,మేయర్ కొలన్ నీలాగోపాల్రెడ్డి పార్టీ కండువాలు కప్పి బీఆర్ఎస్లోకి ఆహ్వానించారు. కార్యక్రమంలో కార్పొరేటర్ ఆగంరాజు ముదిరాజు, కాలనీ సంక్షేమసంఘం ప్రతినిధులు పాల్గొన్నారు.
అభివృద్ధిలో భాగస్వాములు కావాలి : ఎమ్మెల్యే
ప్రజలంతా అభివృద్ధిలో భాగస్వాములు కావాలని ఎమ్మెల్యే వివేకానంద్గౌడ్ ఆకాంక్షించారు. జగద్గిరిగుట్ట డివిజన్ శ్రీనివాసనగర్కు చెందిన పలువురు యువకులు ఆదివారం ఎమ్మెల్యే నివాసంలో బీఆర్ఎస్లో చేరారు. వారికి ఎమ్మెల్యే వివేకానంద్గౌడ్ కండువాలు వేసి పార్టీలోకి ఆహ్వానించారు. తొమ్మిదేండ్ల పాలనలో జరిగిన మేలును యువత ప్రజలకు వివరించాలని సూచించారు. సయ్యద్ఆజం, నవీద్, జహంగీర్, ఫరీప్, అహ్మద్, షమీర్పాషా, రెహమాన్, శివ, శ్రీనివాస్ పార్టీలో చేరినవారిలో ఉన్నారు. డివిజన్ అధ్యక్షుడు రుద్రఅశోక్, సయ్యద్ష్రీద్, వెంకటేశ్వరటెంపుల్ ఛైర్మన్ వేణుయాదవ్ తదితరులు పాల్గొన్నారు.
ముమ్మరంగా బూత్ కమిటీ సమావేశాలు
బీఆర్ఎస్ నేతలు క్షేత్రస్థాయి సమావేశాలు విస్తృతం చేస్తున్నారు. జగద్గిరిగుట్ట డివిజన్ సోమయ్యనగర్లో శనివారం రాత్రి బూత్ కమిటీ సమావేశం జరిపారు. ఈసందర్భంగా పార్టీ మ్యానిఫెస్టో ప్రతులను పంచారు. సీయంగా కేసీఆర్ మరోసారి అధికారంలోకి రావాలంటే కుత్బుల్లాపూర్నుంచి ఎమ్మెల్యే వివేకానంద్కు హ్యాట్రిక్ విజయాన్ని అందించాలని సూచించారు. కార్యక్రమంలో రుద్రఅశోక్, వేణుయాదవ్, మారయ్య, రషీద్, ఇందిరాగౌడ్, సోమయ్యనగర్ కార్యకర్తలు పాల్గొన్నారు.