సిటీబ్యూరో, జూన్ 23(నమస్తే తెలంగాణ): మూసీ నదిపై ఇప్పటికే ఉన్న బ్రిడ్జీల నాణ్యతను అధ్యయనం చేసేందుకు మూసీ రివర్ ఫ్రంట్ డెవలప్మెంట్ అథారిటీ (ఎంఆర్డీసీఎల్) చర్యలు చేపట్టింది. గండిపేట నుంచి గౌరెల్లి ఔటర్ రింగు రోడ్డు దాకా పారుతున్న మూసీ నది సుందరీకరణ ప్రాజెక్టులో భాగంగా ఇప్పటికే క్షేత్ర స్థాయిలో సర్వేను అధికారులు పూర్తి చేశారు.
డిఫరెన్షియల్ గ్లోబల్ పొజీషనింగ్ సిస్టం (డీజీపీఎస్) చేసి మూసీకి ఇరువైపులా సరిహద్దులను నిర్ణయిస్తున్నాయి. అదే విధంగా మూసీ నదిపై ఇప్పటికే ఉన్న బ్రిడ్జీల నాణ్యతను అధ్యయనం చేసేందుకు ప్రత్యేకంగా ఇంజనీరింగ్ నిపుణులను నియమించనుంది. గండిపేట నుంచి గౌరెల్లి దాకా పారుతున్న మూసీ నదిపై ఇప్పటికే మొత్తం 17 బ్రిడ్జీలు ఉన్నాయని, వాటన్నింటినీ ప్రత్యేకంగా పరిశీలించి వాటి నాణ్యతపై నివేదిక ఇస్తారని అధికారులు తెలిపారు.
టిప్పుఖాన్ బ్రిడ్జీ (పాతది) టిప్పుఖాన్ బ్రిడ్జీ (కొత్తది) బాపూఘాట్ అత్తాపూర్ పురానాపూల్ (పాతది)
పురానాపూల్ (కొత్తది) ముస్లింజంగ్ బ్రిడ్జీ (పాతది) ముస్లింజంగ్ బ్రిడ్జీ (కొత్తది) నయాపూల్ (పాతది)
నయాపూల్ (కొత్తది) సాలార్జంగ్ బ్రిడ్జీ చాదర్ఘాట్ బ్రిడ్జీ గోల్నాక బ్రిడ్జీ నాగోల్ బ్రిడ్జీ (పాతది) నాగోల్ బ్రిడ్జీ (కొత్తది) ఇమ్లీబన్ పార్కు (లోపలి వెళ్లేది) ఇమ్లీబన్ పార్కు (బయటకు వచ్చేది)