GHMC | సిటీబ్యూరో, జూన్ 9 (నమస్తే తెలంగాణ ) : వర్షాకాలం నేపథ్యంలో వరదలతో లోతట్టు ప్రాంతాల ప్రజలకు ఇబ్బందులు తలెత్తకుండా, ఎలాంటి ప్రమాదాలు జరుగకుండా.. ట్రాఫిక్ ఇబ్బందులు తలెత్తకుం డా వరద నివారణకు ఎప్పటికప్పుడు చర్య లు తీసుకునేందుకు మాన్సూన్ ఎమర్జెన్సీ టీమ్లను జీహెచ్ఎంసీ ఏర్పాటు చేసింది. ముఖ్యంగా వరద నీరు నిలిచే (వాటర్ స్టాగ్నేషన్) పాయింట్ల వద్ద ఎప్పటికప్పుడు వరద నీటిని తొలగించి నివారణ చర్యలు చేపట్టనున్నట్లు అధికారులు తెలిపారు. అగ్నిమాపకశాఖ, వాటర్వర్స్, పోలీస్, విద్యుత్శాఖల సమన్వయంతో గ్రేటర్లో వరదల నివారణ, విద్యుత్, రవాణా వ్యవస్థలతో ప్రజలకు సమస్య లేకుండా చేసేందుకు చర్యలు తీసుకుంటున్నట్లు పేర్కొన్నా రు. ఈ మేరకు గ్రేటర్వ్యాప్తంగా 542 మాన్సూన్ అత్యవసర బృందాలను ఏర్పా టు చేసినట్లు అధికారులు వెల్లడించారు.
జీహెచ్ఎంసీ, ఇతర శాఖలతో కలిపి మొత్తం 542 అత్యవసర బృందాలను ఏర్పాటు చేశారు. ఈ బృందాల సభ్యులు ప్రజలకు ఎలాంటి ఇబ్బందులు లేకుండా నివారణ చర్యలు తీసుకుంటారని అధికారులు తెలిపారు. గ్రేటర్ వ్యాప్తంగా 125 వాటర్ స్టాగ్నేషన్ పాయింట్లు ఉండగా వాటిలో దశల వారీగా తగ్గిస్తూ శాశ్వత పరిషారం చేస్తున్నట్లు వివరించారు. ప్రస్తుతం 32 వాటర్ లాగింగ్ పాయింట్లను కూడా వచ్చే వర్షాకాలం నాటికి పూర్తిగా తొలగించేందుకు యుద్ధ ప్రాతిపదికన చర్యలు చేపట్టనున్నట్లు పేర్కొన్నారు.
నాలాలో ప్రజలు చెత్త, వ్యర్థాలు వేయకుండా సహకరించాలని అధికారులు విజ్ఞప్తి చేశారు. వర్షాల సందర్భంగా వాటర్ స్టాగ్నేషన్ పాయింట్ల వద్ద డ్రైనేజీ వ్యవస్థను మెరుగు పరిచేందుకు చర్యలు తీసుకుంటున్నట్లు తెలిపారు. వర్షం పడినప్పుడు ఐటీ కంపెనీలు..తమ సిబ్బందిని ఒకే సమయం లో పంపించకుండా తగిన విడుతల వారీగా పంపించాలని సూచించారు. అదే విధంగా ఇతర కంపెనీలు, కార్యాలయాలు కూడా పలు జాగ్రత్తలు తీసుకుంటే మంచిదని, ప్రజలు కూడా అత్యవరమనుకుంటేనే బయటకు రావాలన్నారు. డ్రైనేజీ మూతలు ఓపెన్ చేయకూడదని, వర్షాకాలంలో ప్రజలకు వరద సమస్యలు ఎదురైనప్పుడు బల్దియా కాల్ సెంటర్కు ఫోన్ చేయాలన్నారు.