హైదరాబాద్, మే 3 (నమస్తే తెలంగాణ) : రాష్ట్ర ప్రభుత్వం గౌడన్నల సంక్షేమం కోసం కోట్లు వెచ్చించి సాగర తీరంలోని నెక్లెస్ రోడ్డులో నిర్మించిన నీరా కేఫ్ ఆదివారం సందడిగా ప్రారంభమైంది. నీరా కేఫ్ అంతా కలియదిరిగిన గౌడలు సెల్ఫీలు, ఫొటోలు తీసుకొని సంబురం వ్యక్తం చేశారు. కేఫ్ ప్రారంభోత్సవంలో మంత్రులు శ్రీనివాస్గౌడ్, తలసాని శ్రీనివాస్యాదవ్, మాజీ శాసన మండలి చైర్మన్ స్వామి గౌడ్, మాజీ ఎమ్మెల్సీలు బాలసాని లక్ష్మీనారాయణ, గంగాధర్ గౌడ్, రాష్ట్ర కార్పొరేషన్ చైర్మన్లు డాక్టర్ ఆంజనేయ గౌడ్, గెల్లు శ్రీనివాస్ యాదవ్, మాజీ ఎమ్మెల్యే బూడిద భిక్షమయ్య గౌడ్, మాజీ మంత్రి రాజేశం గౌడ్, మాజీ ఎమ్మెల్సీ రాజలింగం గౌడ్, మాజీ చైర్మన్ నాగేందర్ గౌడ్, మాజీ ఎమ్మెల్యే సత్యనారాయణ గౌడ్, తెలంగాణ టూరిజం కార్పొరేషన్ ఎండీ మనోహర్ పాల్గొన్నారు. ఈ సందర్భంగా సీఎం కేసీఆర్, మంత్రి కేటీఆర్ ఫ్లెక్సీలకు క్షీరాభిషేకం చేశారు.