హైదరాబాద్ : శంషాబాద్లో( Shamshabad) చిరుతపులి(Leopard) కోసం గాలింపు చర్యలు కొనసాగుతు న్నాయి. శంషాబాద్ మండల పరిధిలోని ఘాన్సిమియాగూడలో చిరుత సంచరిస్తుందనే నేపథ్యంలో అటవీ శాఖ అధికారులు ఇప్పటికే 2 బోన్లు, 20 ట్రాప్ కెమెరాలు ఏర్పాటు చేశారు. ఈ నేపథ్యంలో బుధవారం ఘాన్సిమియాగూడలో అడవి పిల్లి ఆచూకీ లభ్యమైంది. కెమెరాల్లో అడవి పిల్లి కదలికలను అధికారులు గుర్తించారు. చిరుత కోసం గాలింపు చర్యలను ముమ్మరం చేశారు. కాగా, ఘాన్సిమియాగూడలో చిరుత కలకలంపై అటవీశాఖ అధికారులు సోమవారం స్పందించిన విషయం తెలిసిందే.
గ్రామంలో ఆదివారం జరిగిన వీధి కుక్కలపై దాడిచేసింది. చిరుతపులి అంటు గ్రామస్తులు అనుమానం వ్యక్తం చేయడంతో స్పందించిన అధికారులు సోమవారం సాయంత్రం గ్రామ పరిధిలోని రెండు చోట్ల బోన్లు ఏర్పాటు చేసిన్నట్లు ఫారెస్టు డిప్యూటీ రెంజ్ అధికారి మహ్మద్ అర్షద్ అమీద్ తెలిపారు. ఆదివారం దాడి జరిగిన ప్రదేశంలో అటవీశాఖ అధికారులు చిరుతపులి నా లేక మరే జంతువైన దాడిచేసిందా అనే కోణంలో కాళ్ల హద్దులను పరిశీలించగా చిరుత పులిని పోలినట్లు లేవని వివరించారు. కానీ గ్రామస్తుల భయందోళన నేపథ్యంలో అధికారులు జంతువును గుర్తించే పనిలో ఉన్నారు. గ్రామస్తులు అప్రమత్తంగా ఉండాలని సూచించారు.