అమీర్పేట్ జూన్ 9 : జాతీయ, అంతర్జాతీయ వెడ్డింగ్ ప్లానర్ల సమ్మేళనం9Wedding Planners Conclave) హైదరాబాద్ హైటెక్స్ ఎగ్జిబిషన్ సెంటర్లో(Hitex,) ఈ నెల 14,15వ తేదీలలో నిర్వహించనున్నట్టు పర్యాటక, సాంస్కృతిక శాఖ మంత్రి జూపల్లి కృష్ణారావు(Jupalli Krishna Rao) తెలిపారు. తెలంగాణ టూరిజం తెలంగాణ చాంబర్ ఆఫ్ ఈవెంట్స్ ఇండస్ట్రీ ఆధ్వర్యంలో సౌత్ ఇండియన్ వెడ్డింగ్ ప్లానర్స్ కాంగ్రెస్ 3వ ఎడిషన్, 3వ టీసీఈఐ ఎస్డబ్ల్యూ పీసీ గ్లోబల్ 2024 బియాండ్ ఇమాజినేషన్,7వ టీసీఈఐ ఎక్సలెన్స్ అవార్డ్స్ 2024 వేడుకలు జరగనున్నాయి.
ఈ మేరకు ఆదివారం అమీర్పేట్లోని గ్రీన్ ల్యాండ్లోని ది ప్లాజా పర్యాటక భవన్లో నిర్వహించిన సమావేశంలో మంత్రి జూపల్లి కృష్ణారావు పాల్గొన్నారు. ఈ కార్యక్రమం దేశ విదేశాల నుంచి ఏడు వందల మందికి పైగా ప్రతినిధులకు స్వాగతం పలుకుతుందన్నారు. ఈ ఈవెంట్ ద్వారా వివాహాలకు దక్షణాది నుంచి ముఖ్యమైన సహకారం, వేదికను అందించడమే లక్ష్యం అన్నారు. ఈ కార్యక్రమంలో పర్యాటక శాఖ డైరక్టర్ రమేష్నాయుడు, హైటెక్స్ హెడ్ టీజీ శ్రీకాంత్, ప్రతినిధులు బలరాంబాబు, రవి తదితరులు పాల్గొన్నారు.