సిటీబ్యూరో, జూన్ 8 (నమస్తే తెలంగాణ): రుతుపవనాల ప్రభావంతో రెండు మూడు రోజులుగా కురుస్తున్న వానలతో గ్రేటర్ వాతావరణం చల్లబడింది. శనివారం మధ్యాహ్నం నగరంలోని మెహిదీపట్నం, హిమాయత్నగర్, విద్యానగర్, అడిక్మెట్, తార్నాక, మౌలాలి తదితర ప్రాంతాల్లో తేలికపాటి నుంచి మోస్తరు వాన కురిసింది.
రుతుపవనాలు మరింత విస్తరిస్తుండటంతో రాగల మరో మూడు రోజులు గ్రేటర్లోని పలు చోట్ల తేలికపాటి నుంచి మోస్తరు వానలు కురిసే అవకాశాలున్నట్లు హైదరాబాద్ వాతావరణ కేంద్రం అధికారులు వెల్లడించారు. శనివారం గరిష్ఠం 33.0, కనిష్ఠం 23.9 డిగ్రీలు, గాలిలో తేమ 92 శాతంగా నమోదైనట్లు వెల్లడించారు.