సిటీబ్యూరో, జూన్ 13 (నమస్తే తెలంగాణ): తెలంగాణ నుంచి మధ్య బంగాళాఖాతం వరకు ఏర్పడిన ద్రోణి ప్రభావంతో గ్రేటర్లోని పలు చోట్ల తేలికపాటి నుంచి మోస్తరు వానలు కురిశాయి. గురువారం రాత్రి 9 గంటల వరకు సైదాబాద్ కుర్మగూడలో అత్యధికంగా 4.10, చార్మినార్ డబీర్పురలో 3.98, పాతబస్తీ సర్దార్ మహల్లో 3.35, అస్మాన్ఘడ్లో 3.28 , కాంచన్బాగ్లో 3.0, ఆజంపురలో 2.85, చాంద్రాయణగుట్టలో 2.38 సెం.మీల చొప్పున వర్షపాతం నమోదైనట్లు టీఎస్డీపీఎస్ వెల్లడించింది.
ద్రోణి ప్రభావంతో రాగల మరో మూడు రోజులు గ్రేటర్లోని పలు చోట్ల తేలికపాటి నుంచి మోస్తరు, మరికొన్ని చోట్ల మోస్తరు నుంచి భారీ వానలు కురిసే అవకాశాలున్నట్లు హైదరాబాద్ వాతావరణ కేంద్రం అధికారులు వెల్లడించారు. గురువారం ఉదయం నుంచి రాత్రి వరకు నగరంలో గరిష్ఠం 33.7, కనిష్ఠం 23.7 డిగ్రీలు, గాలిలో తేమ 83 శాతంగా నమోదైనట్లు తెలిపారు.