కుత్బుల్లాపూర్, జూలై 26 : మరో రెండు రోజుల పా టు భారీ వర్షాలు కురిసే అవకాశం ఉన్నట్లు వాతావరణశా ఖ సూచించిన ఆదేశాల మేరకు అధికార యంత్రాంగం అప్రమత్తంగా ఉండాలని కుత్బుల్లాపూర్ ఎమ్మెల్యే కేపీ వివేకానంద్ సూచించారు. బుధవారం జీడిమెట్ల, సుభాష్నగర్ డివిజన్ల పరిసర ప్రాంతాల్లోని ఫాక్స్సాగర్ ఆయకట్టు కింది ప్రాంతాలను ఇరిగేషన్, వాటర్వర్క్స్ మున్సిపల్ శాఖల అధికారులతో కలిసి ఆయన సందర్శించి, పరిశీలించారు. ఈ సందర్భంగా ఆయన మాట్లాడుతూ.. లోతట్టు ప్రాంతాల్లో ప్రజలు ఇబ్బందులు పడకుండా, నీరు నిలవకుండా తగు జాగ్రత్తలు తీసుకోవాలని సూచించారు. యంత్రాంగం బృందాలుగా ఏర్పడి ప్రజలకు అందుబాటులో ఉండేలా తగిన ప్రణాళికతో ముందుకెళ్లాలన్నారు. ప్రజలు అవసరం ఉంటే తప్ప బయటకు రావద్దని కోరారు.
భారీ వర్షం నేపథ్యంలో ఇప్పటికే ఫాక్స్సాగర్ చెరువు నిండుకుండులా మారుతుందని, దశలవారీగా తూము ద్వారా నీటిని విడుదల చేసేలా అధికారులు తగిన చర్యలు తీసుకోవాలన్నారు. పైపులైన్రోడ్డులోని హార్టికల్చర్ నర్సరీలో ఉన్నటువంటి కాలువల పూడికతీసి వరదనీరు సాఫీగా పోయేలా చూడాలని, 1500 ఎంఎండీ సామర్థ్యంతో నిర్మిస్తున్న నాలా పనుల ను యుద్ధప్రాతిపాదికన పూర్తి చేయాలని సూచించారు. బీహెచ్ఈఎల్ విస్టాకాలనీలో నిర్మిస్తున్న చైన్ నాలా పనులను త్వరగా పూర్తిచేసి దానిని మెయిన్ నాలాకు అనుసం ధానం చేయాలని, దీని ద్వారా నీరు ఎక్కడ నిలవకుం డా ఆటంకం లేకుండా ఉంటుందన్నారు. స్వేతాఆర్యన్ ఆపార్ట్మెంట్ వద్ద పగిలిపోయిన పైపులైన్కు వెంటనే మరమ్మతులు చేసి ప్రజలకు ఎలాంటి ఇబ్బందులు తలెత్తకుండా చర్యలు తీసుకోవాలని ఎమ్మెల్యే సూచించారు. ఈ కార్యక్రమంలో ఆయా విభాగాల అధికారులు ఎస్ఈ చిన్నారెడ్డి, జీఎం శ్రీధర్రెడ్డి, డీజీఎం రాజేశ్, మేనేజర్ రాజు, డీఈఈ భాను, ఏఈ రామారావు, ఏఈ సురేందర్నాయక్, తదితరులు పాల్గొన్నారు.
వరుసగా కురుస్తున్న వర్షాలకు చెరువుల్లో వరద నీరు చేరి నిండుకుండలా దర్శనమిస్తున్నాయి. జీడిమెట్ల డివిజన్ ఫాక్స్సాగర్ చెరువు నిండుతుంది. ప్రధానంగా 33 అడుగుల సామర్థ్యం గల చెరువు ఇప్పటికే వరద నీటితో 29.2 అడుగుల మేర నీటి సామర్థ్యం పెరిగింది. ఈ క్రమంలో చెరువు ఆయకట్టు కింద ఉన్న జనావాసాలకు, ఇతర వాటికి ఎలాంటి ఇబ్బందులు తలెత్తకుండా ఉండటంతోపాటు ఇతర రక్షణ చర్యలు తీసుకోవడంలో భాగం గా ముందస్తుగా మేడ్చల్ జోన్ డీసీపీ షబరీశ్, అడిషనల్ డీసీపీ ఎండీ ఇక్బాల్సిద్ధిఖుల్, పేట్ బషీరాబాద్ ఏసీపీ రఘునందన్రావు, అల్వాల్ ట్రాఫిక్ ఏసీపీ వెంకట్రెడ్డి, పేట్ బషీరాబాద్ సీఐ ప్రశాంత్ పరిశీలించారు.