హయత్నగర్, డిసెంబర్ 26 : రైతుబజార్(Rythu Bazar) వద్ద ఏర్పడుతున్న ట్రాఫిక్ జామ్(Traffic jam) సమస్య సత్వర పరిష్కారానికి కృషిచేస్తానని ఎమ్మెల్యే దేవిరెడ్డి సుధీర్రెడ్డి(MLA Sudhir Reddy) అన్నారు. మంగళవారం హయత్నగర్ (Hayathnagar) డివిజన్లోని కమలానగర్ కాలనీవాసులు ఏర్పాటు చేసుకున్న సమావేశానికి ఎమ్మెల్యే సుధీర్రెడ్డి ముఖ్యఅతిథిగా హాజరయ్యారు.
ఈసందర్భంగా ఆయన మాట్లాడుతూ.. రైతు బజార్ వద్ద ఉదయం, సాయంత్రం వేళల్లో త్రీవ ట్రాఫిక్ ఇబ్బందులపై చర్చించామన్నారు. ట్రాఫిక్ సమస్య నియంత్రణ కోసం రైతు బజార్ వద్ద వ్యాపారులను, కాలనీవాసులను పిలిపించి సమావేశం ఏర్పాటు చేస్తానని హామీనిచ్చారు. ప్రజలకు ఎలాంటి ఇబ్బందులు కలుగకుండా చర్యలు చేపడతామని తెలిపారు. ఈ కార్యక్రమంలో బీఆర్ఎస్ నాయకులు, కాలనీ అధ్యక్ష, కార్యదర్శులు తదితరులు పాల్గొన్నారు.