అంబర్పేట/ కాచిగూడ, అక్టోబర్ 19: అంబర్పేట నియోజకవర్గంలో బీఆర్ఎస్ అభ్యర్థి, ఎమ్మెల్యే కాలేరు వెంకటేశ్ ప్రచారం జోరుగా సాగుతోంది. బస్తీల్లో జనం బ్రహ్మరథం పడుతున్నారు. ప్రజలు ఎదురేగి బొట్టుపెట్టి.. హారతి పట్టి ఘనంగా స్వాగతం పలుకుతున్నారు. ఉదయం లేచింది మొదలు ప్రజా క్షేత్రంలోనే ఉంటున్నారు. ప్రజల కష్టసుఖాలు తెలుసుకుంటూ, వారికి భరోసానిస్తూ ముందుకు సాగుతున్నారు. ప్రచారంలో భాగంగా నియోజకవర్గంలోని నల్లకుంట సత్యానగర్లో డివిజన్ అధ్యక్షుడు మేడి ప్రసాద్, పార్టీ నాయకులు, కార్యకర్తలతో కలిసి ఇంటింటికీ తిరుగుతూ ఎన్నికల ప్రచారం నిర్వహించారు. బీఆర్ఎస్ పార్టీకి ఓటు వేసి గెలిపించాలని విన్నవించారు. సంక్షేమ పథకాలను వివరించారు. ఈ సందర్భంగా ప్రతి ఇంటి నుంచి మహిళలు బయటకు వచ్చి కాలేరు కు బ్రహ్మరథం పట్టారు. హారతులిచ్చి ఆశీర్వదించారు. మీ వెంటే తామున్నామంటూ భరోసా ఇచ్చారు.
అంబర్పేట నియోజకవర్గం బీఆర్ఎస్ అభ్యర్థి, ఎమ్మెల్యే కాలేరు వెంకటేశ్ గెలుపు కోసం ఎన్నికల ముగిసే వరకు ప్రచారం చేయడానికి నూతనంగా కాలేరు యువ సైన్యం ఏర్పాటైంది. బీఆర్ఎస్ నాయకుడు వెంకటరమణ రాజు అధ్యక్షతన ఈ సైన్యం ఏర్పాటైంది. గురువారం వీరంతా ఎమ్మెల్యే కాలేరు వెంకటేశ్ను కలిశారు. తమ 30 మంది బృందం ఎన్నికల వరకు బాగ్అంబర్పేట డివిజన్లోని ప్రతి బస్తీలో ఉదయం రెండు గంటలు, సాయంత్రం రెండు గంటలు ప్రచారం చేసి గెలుపుకోసం కృషి చేస్తామని చెప్పారు. వెంకటరమణ రాజు అధ్యక్షునిగా ఉన్నా ఈ బృందంలో ఎం.శివకుమార్ గుప్త, భరద్వాజ్ విజయరాజు, సునీల్కుమార్, ఆకుల అరవింద్కుమార్, జహంగీర్ సూర్యవంశీ, సాయిరామరాజు, ఎడెల్లి శివకుమార్, మహమ్మద్ తాజ్పాష, సతీష్ముదిరాజ్, కిశోర్, రాఘవేంద్రరాజు, నరహరి, జ్ఞానేశ్వర్, పసరకొండ కిశోర్ తదితరులు ఉన్నారు. ఈ కార్యక్రమంలో కార్పొరేటర్ బి.పద్మావెంకటరెడ్డి, బీఆర్ఎస్ నాయకులు దిలీప్ తదితరులు పాల్గొన్నారు.
ఏ రాష్ట్రంలో ప్రవేశ పెట్టని పథకాలను సీఎం కేసీఆర్ తెలంగాణలో ప్రవేశపెడుతున్నాడని ఎమ్యెల్యే కాలేరు వెంకటేశ్ అన్నారు. న్యూ ఇందిరానగర్ శ్రీసాయిగణేశ్ వెల్ఫేర్ అసోసియేషన్ సభ్యులకు గుర్తింపు కార్డులను పంపిణీ చేశారు. ఈ సందర్భంగా ఎమ్యెల్యే మాట్లాడుతూ తెలంగాణ వ్యాప్తంగా అర్హులైన 51 లక్షల మందికి తెలంగాణ ప్రభుత్వం పెన్షన్లను ఇస్తుందని, ప్రభుత్వ సంక్షేమ పథకాలను పేద ప్రజలు సద్వినియోగం చేసుకోవాలని పేర్కొన్నారు. పేదల సంక్షేమమే ధ్యేయంగా ప్రభుత్వం ముందుకెలుతుందని పేర్కొన్నారు. ఈ కార్యక్రమంలో అధ్యక్షుడు కె.రవికుమార్, భోగ స్వామి, పాక స్వామి, మేకల లక్ష్మీనారాయణ,చారి, అంబాదాస్, విజయ్, ముడారి శ్రీను, వినోద్చారి, రాకేశ్, నగేశ్, రాములు, కనకయ్య, రిషి తదితరులు పాల్గొన్నారు.