హైదరాబాద్ : భాగ్యనగరం బోనమెత్తనుంది. జులై 7వ తేదీ నుంచి ప్రారంభం కానున్న ఆషాఢ బోనాలకు రాష్ట్ర ప్రభుత్వం అన్ని రకాల ఏర్పాట్లు చేస్తోంది. అందులో భాగంగా ఆషాఢ బోనాలకు రూ.20 కోట్లు మంజూ రు చేసింది ప్రభుత్వం. ఈ మేరకు దేవదాయ శాఖ ముఖ్య కార్యదర్శి శైలజా రామయ్యర్ ఉత్తర్వులు జారీ చేసిన విషయం తెలిసిందే. ఈ క్రమంలోనే ఆషాఢమాసం బోనాల జాతరపై గురువారం అధికారులతో బీసీ సంక్షేమ శాఖ మంత్రి పొన్నం ప్రభాకర్ సమీక్ష నిర్వహించారు.
ఈ సందర్భంగా ఆయన మాట్లాడుతూ.. బోనాల ఉత్సవాల్లో భక్తులకు ఎలాంటి ఇబ్బందులు కలుగకుండా చూడా లన్నారు. నిధులు విషయంలో ఇబ్బందులు లేవని ఎలాంటి సమస్యలు ఉన్న తమ దృష్టికి తీసు కురావాల న్నారు. ఈ సమీక్షలో మేయర్ గద్వాల విజయలక్ష్మి, డిప్యూటీ మేయర్, అధికారులు పాల్గొన్నారు. కాగా, ఈ ఏడాది జులై 7 నుంచి 29తేదీ వరకు అత్యంత వైభవంగా బోనాల పండుగను నిర్వహించనున్నారు.
ఆషాఢంలో వచ్చే మొదటి ఆదివారం(జూలై 7) రోజు భాగ్యనగరంలో బోనాల సంబరం ప్రారంభమవుతుంది. గోల్కొండ శ్రీ ఎల్లమ్మ ఆలయంలో తొలిపూజ నిర్వహించిన తర్వాత సికింద్రాబాద్ ఉజ్జయినీ మహంకాళి, లాల్ దర్వాజ మహంకాళి ఆలయంలో నెలరోజుల పాటూ ప్రతి గురువారం, ఆదివారం ప్రత్యేక పూజలు జరు గుతాయి. మళ్లీ గోల్కొండ కోటలోనే చివరి రోజు పూజ నిర్వహించడంతో బోనాల ఉత్సవాలు ముగుస్తాయి.