సిటీబ్యూరో, మే 5 (నమస్తే తెలంగాణ)/ బడంగ్పేట : అడ్మినిస్ట్రేటివ్ స్టాఫ్ కాలేజ్ ఆఫ్ ఇండియా, రాష్ట్ర పురపాలక శాఖ ఆధ్వర్యంలో నగరంలోని ఐసీఐసీ టవర్లో ఏర్పాటైన స్టార్టప్, ఇన్నోవేషన్ రెండు రోజుల ప్రదర్శనను గురువారం మేయర్ గద్వాల్ విజయలక్ష్మి ప్రారంభించారు. ఇన్నోవేషన్ ఇన్ న్యూ నాలెడ్జి ఇన్ వాటర్ శానిటేషన్, హైజీప్ సెక్టార్ ఇంక్ వాష్ సంస్థ 3.0 ప్రదర్శన శుక్రవారం వరకు కొనసాగనున్నది. మున్సిపాలిటీ, నగర పాలక సంస్థల్లో నూతన టెక్నాలజీతో వాటర్, శానిటేషన్ను మరింత మెరుగు పరిచేందుకు వీలుగా ఇన్నోవేషన్, స్టార్టప్ సంస్థలు 100కు పైగా తమ నూతన ఆవిష్కరణలను ప్రదర్శనకు ఇవ్వనున్నట్లు నిర్వాహకులు తెలిపారు.
ప్రదర్శన చివరి రోజు (శుక్రవారం) పురపాలక శాఖ మంత్రి కేటీఆర్, పురపాలక శాఖ ప్రత్యేక ప్రధాన కార్యదర్శి అర్వింద్కుమార్ ముఖ్య అతిథులుగా హాజరవుతారని చెప్పారు. ఈ కార్యక్రమంలో బడంగ్పేట మేయర్ చిగిరింత పారిజాత నర్సింహారెడ్డి, మీర్పేట మేయర్ దుర్గా దీప్లాల్ చౌహన్, పురపాలక శాఖ ప్రత్యేక ప్రధాన కార్యదర్శి అర్వింద్కుమార్, జలమండలి ఎండీ దానకిశోర్, సీడీఎంఏ సత్యనారాయణ, తదితరులు పాల్గొని స్టాళ్లను పరిశీలించారు.