సిటీబ్యూరో, జులై 24 ( నమస్తే తెలంగాణ ) : మలక్పేట(Malakpet) ప్రభుత్వ అంధ బాలికల హాస్టల్లో 8 ఏండ్ల అంధ బాలిక లైంగిక దాడి ఘటనపై కలెక్టర్ అనుదీప్ దురిశెట్టి అధికారులపై ఆగ్రహం వ్యక్తం చేశారు. హాస్టల్ ఇంచార్జీ వార్డెన్(Govt Blind Girls Hostel Warden) బి. స్వప్నను గురువారం సస్పెండ్(Suspended) చేశారు. సంఘటనపై నిజనిర్దారణ కమిటీని నియమంచి పూర్తిస్థాయి రిపోర్టు ఇవ్వాల్సిందిగా ఆదేశించారు. ఈ కమిటీలో వికాలంగుల సాధికారత శాఖ డైరెక్టర్, కమిషనర్ బి. శైలజ, సభ్యులుగా బీసీ సంక్షేమ శాఖాధికారి ఆశన్న, , ఏ రాజేందర్లను నియమించారు. ఈ కమిటి రిపోర్టు ఆధారంగా తదుపరి చర్యలు ఉండనున్నాయి.
కాగా, మలక్పేటలోని ప్రభుత్వ అంధ బాలికల వసతి గృహ పాఠశాలలో ఎనిమిదేండ్ల బాలికపై స్కావేంజర్ (మరుగుదొడ్లను శుభ్రపరిచేవాడు) అఘాయిత్యానికి పాల్పడిన ఘటన ఆలస్యంగా వెలుగులోకి వచ్చిన విష యం విదితమే. పోలీసులు, బాధితుల కథనం ప్రకారం.. వికారాబాద్ జిల్లాకు చెందిన బాలిక(8) ఆస్మాన్ ఘడ్లోని ప్రభుత్వ అంధ బాలికల వసతి గృహ పాఠశాలలో మూడో తరగతి చదువుతుంది. ఈ నెల 7న బాలికకు రక్తస్రావం కావడంతో హాస్టల్ వార్డెన్ తల్లిదండ్రులను పిలిపించి ఇంటికి పంపించారు. బాధితు రాలిని చికిత్స కోసం నిలోఫర్ దవాఖానకు తీసుకురాగా, పరీక్షించిన వైద్యులు బాలికపై లైంగిక దాడి జరిగిందని నిర్ధారించారు. దీంతో తల్లిదండ్రులు 16న మలక్పేట పోలీసులకు ఫిర్యాదు చేయడంతో పోక్సో కేసు నమోదు చేసిన విషయం తెలిసిందే.