Nehru Zoo Park | హైదరాబాద్ : హైదరాబాద్ నెహ్రూ జూలాజికల్ పార్కులో సోమవారం ఘోరం జరిగింది. సింహాలు ఉండే ఎన్క్లోజర్ను పరిశుభ్రం చేసేందుకు వెళ్లిన సయీద్ హుస్సేన్పై ఓ సింహం దాడి చేసి తీవ్రంగా గాయపరిచింది.
ఆ సింహం దాడి నుంచి కేర్ టేకర్ సయీద్ హుస్సేన్ తప్పించుకున్నాడు. అప్రమత్తమైన జూ సిబ్బంది.. హుస్సేన్ను చికిత్స నిమిత్తం ఆస్పత్రికి తరలించారు. సింహాలు ఉండే ఎన్క్లోజర్ వద్ద జూ సిబ్బంది పిటిష్ఠ బందోబస్తు ఏర్పాటు చేసింది. ప్రస్తుతం హుస్సేన్ ఆరోగ్య పరిస్థితి నిలకడగా ఉన్నట్లు వైద్యులు పేర్కొన్నారు.
వారం రోజుల క్రితం సయీద్ ఫర్హాన్ అనే సిబ్బందిని పాము కరిచిన సంగతి తెలిసిందే. జంతువులు ఉండే ఎన్క్లోజర్ను శుభ్రం చేస్తుండగా, పాము ఫర్హాన్ను కరిచినట్లు జూ సిబ్బంది తెలిపారు. ప్రస్తుతం ఫర్హాన్ ఉస్మానియా ఆస్పత్రిలో చికిత్స పొందుతున్నారు. ఫర్హాన్ మూత్రం పిండం దెబ్బతిన్నట్లు సమాచారం. ప్రస్తుతం ఆయనకు నెఫ్రాలజిస్ట్ డాక్టర్ల ఆధ్వర్యంలో చికిత్స కొనసాగుతోన్నట్లు తెలుస్తోంది.